پهدې شبکې کې مدني بنسټونه، دولتي څانګې او رسنۍ شاملې دي.
د دې شبکې مسوولان وایي چې له انساني قاچاق سره مبارزه، د دې ښکارندې قربانیانو ملاتړ، په کور دننه او بهر کې د انساني قاچاق مخنیوی او د هغه عاملینو په سزا رسول د یادې شبکې دندې جوړوي.
د دې شبکې پرانېستغونډې ته اجرایوي رییس عبدالله عبدالله وویل له انساني قاچاق سره د مبارزې شبکې جوړېدل، د انساني قاچاق پرضد مبارزه کې د ملي پیوستون لومړنی ګام دی.
د ښاغلي عبدالله په وینا د انساني قاچاق عاملان په چلول او د شنو او سرو باغونو په ښودلو سره د خلکو غولولو هڅه کوي.
د عدلیې وزیر او له انسان قاچاق سره د مبارزې شبکې د تخنیکي عالي کمیسیون مشر عبدالبصیر انورغونډې ته وویل، دا شبکه د ۱۶ دولتي او نادولتي بنسټونو په غړیتوب سره رامنځته شوېده.
د ښاغلي انور په وینا، انساني قاچاق د نورو غیرقانوني عایداتي سرچینو ترڅنګ، د سرغړونکیو په عایداتي سرچینه بدل شويدی.
بلخوا، د کډوالۍ نړۍوالې موسسې مسووله سارا کریګس وايي، تر اوسه پورې دې شبکې شاوخوا ۱۵سوه ښځې او نارینه روزلي او ۵ میلیونو نورو هم د انسان قاچاق په تړاو معلوماتي پیغامونه ترلاسه کړيدي.
د مېرمن کریګس په وینا، یو شمېر ډلې هڅه کوي له ایران او پاکستانه بېرته راستنو شویو کډوالو ناوړه ګټنه وکړي او دا شبکه د انساني قاچاق مخنیوي، عدالتغوښتنې او د قربانیانو ساتنې په برخو کې فعالیت کوي.
غونډې ته په کابل کې د امریکا سفیر جان بس وویل چې افغانستان د انساني قاچاق د ترانزیت لاره دی.
د امریکا سفیر په وینا، هېواد یې لهدې شبکې ملاتړ کوي.
