زمرد کانیده هلاک بولگن 4 کیشی بیر عایله نینگ اعضاسی ایکن و بولر زمرد قازیب چیقاریش جریانیده آکسیجن آزلیگی باعث، کان ایچیده هلاک بولگن‌لر. بو واقعه‌ده مذکور عایله نینگ باشقه 4 اعضاسی زهرلنگن.
سلام‌وطندارگه صحبت بیرگن پنجشیر پولیس قومندانی محمداسحق تمکین نینگ ایتیشیچه، بو واقعه پنجشیر ولایتی نینگ حصۀ‌اول تومنیده‌گی زمرد کانیده یوز بیرگن. اونگه کوره، زهرلنگن‌لرنینگ وضعیتی یخشی دیر.
بیراق، پنجشیر ولایت کینگشی اورین باسری راحله عطایی، کانده زهرلنگن‌لرنینگ رقمی‌نی 5 کیشی دییدی. اونگه کوره، بو واقعه یوز بیرگن چاغده، مذکور کیشی‌لر جنراتورنی کان آغزیده روشن قیلگن ایکن‌لر و بو ایش کان ایچیده آکسیجن آزه‌ییشی گه سبب بولگن.
بیراق، بو کیشی‌لر زمرد کانی‌نی قانونی شکلده قازیب چیقاره‌دی ایکن می یا-ده یوق، حاضرگچه بیلگی‌لنمه‌گن.
زمرد کانی پنجشیر ولایتی نینگ حصۀ‌اول تومنی گه تیگیشلی خنج منطقه‌سیده جایلشگن.
