د عامې روغتيا وزارت وايي چې په هېواد کې پر کورونا د اخته کسانو شمېر ۴۲۳ ته لوړ شوی دی. د ياد وزارت په وينا، په تېرو ۲۴ ساعتونو کې په هرات، کابل، کندهار، بلخ او ننګرهار ولايتونو کې د کورونا ۵۶ مثبتې پېښې ثبت شوې دي.
د ياد وزارت د وياند وحیدالله مایار په وينا، ۲۷ تازه پېښې په هرات، ۱۲ په کابل، ۱۰ په کندهار، ۵ په بلخ او ۲ پېښې هم په ننګرهار ولايت کې ثبت شوې دي.
د مايار په وينا تر اوسه پورې له دې ډلې ۱۱ يې مړه شوي او ۱۸ يې ښه شوي دي.
