د عامې روغتیا وزارت وايي، په تېرو ۲۴ ساعتونو په ۱۲ ولايتونو کې د کورونا ويروس ۹۵ مثبتې پېښې ثبت شوې دي.
د ياد وزارت د وياند مرستيال توحيد شکوهمند نن وويل چې تر ټولو ډېرې ۵۳ پېښې په کندهار کې، ۱۱ په کابل، ۱۰ په تخار، ۵ په ننګرهار، ۵ په پنجشېر، ۳ په هرات، ۲ په فراه، ۲ په غزني او يوه يوه په نيمروز، دايکندي، لغمان او پروان کې ثبت شوې دي چې له دې سره په هېواد کې د ټولو مثبتو پېښو شمېر ۱۳۳۰ ته رسېږي.
د شکوهمند په وينا، په تېرو ۲۴ ساعتونو کې د کورونا ويروس له کبله ۳ کسان مړه شوي او ۹ نور بيا ښه شوي دي چې له دې سره د ټولو ښه شوو کسانو شمېر ۱۸۸ او د مړو شويو شمېر ۴۳ کېږي.
هغه نوملړ چې نن د عامې روغتيا وزارت خپور کړی، ښيي چې ياد وزارت تر اوسه پورې د ۷۴۲۵ شکمنو پېښو تشخيص کړی چې له دې ډلې يوازې د ۱۳۳۰ کسانو پايلې مثبتې وې او نور منفي.
