د عامې روغتیا وزارت په هرات او فراه ولایتونو کې د کورونا ویروس د ۱۴ نورو مثبتو پېښو د ثبتېدو خبر ورکوي.
د دغه وزارت ویاند وحیدالله مایار ویلي چې په تېرو ۲۴ ساعتونو کې د هرات د تشخیص په مرکز کې ۴۸ شکمنې پېښې وکتل شوې چې له ډلې یې د ۲ ښځو په ګډون، ۱۴ هغه مثبتې دي.
د نوموړي په وینا، ۱۱ تازه پېښې په هرات او ۳ نورې په فراه ولایتونو کې ثبت شوې دي.
کورونا ویروس اوس په ټولنه کې خپور شوی او هره ورځ یې مثبتې پېښې په ډېرېدو دي. کابل د دغه ویروس د خپرېدو مخنیوي او څو مثبتو پېښو د ثبتېدو له کبله د درې اوونیو لپاره قرنطین شو.
