.jpg)
بوگون «دوشنبه» پروان ولایتی‌نینگ عیاللری قول صنعت‌لرینی کورگزمه گه قویگن‌لر. اوشبو کورگزمه پروان ولایتی‌نینگ عیاللرنی تربیه‌لش مرکزیده یولگه قوییلگن. شو توغریده یولگه قوییلگن مراسم‌ده پروان حاکمی فضل‌الدین عیار، مذکور ولایت عیاللری کوچه‌یتیریلیشی و ترقیاتی اوستیگه تأکیدلب ایتیشیچه، پروان عیاللری‌نینگ قول صنعت‌لرینی بازاری قیزیقی اوچون توانی باریچه سعی و حرکت قیله‌دی.
شونینگدیک، اوشبو کورگزمه آچیلیش چاغیده پروموت پروژه‌سینی ولایتی عمومی مسؤولی اسدالله عظیمی‌نینگ ایتیشیچه، بو مرته پروموت پروژه‌سی تطبیق ایتیلیشی خصوصیده، بو ولایت گه کوپراق دقت قیله‌دیلر.
اونینگ اورغولشیچه، بوندن سونگ پروان عیاللری‌نینگ قول صنعت‌لریگه بازار تاپیش اوچون سابق دن کوره کوپراق فعالیت قیلیب و بو ولایت عیاللری‌نینگ قول صنعت‌لرینی دنیا بازارلریگه تانیشتیره‌دی.
.jpg)
شونینگدیک، اوشبو ییغینده پروان حاکمی، اوشبو ولایتده کته بیر پارک قوریلیشی‌دن خبر بیریب ایتیشیچه، مذکور پارک‌نی تمل تاشی قوییلیشی اوچون سعی و حرکت دوام ایتماقده و اولر تیزلیک‌که بو پروژه تطبیق ایتیلیشی خصوصیده، مالی منبع تاپیش اوچون امید بیلدیره‌دی.
فضل‌الدین عیار، پروموت پروژه‌سی‌نینگ محلی مسؤوللریدن پروان عیاللری ایش بیلن تأمین ایتیلیشی خصوصیده، سعی و حرکت قیلیش‌لرینی طلب قیلگن.
پروموت افغانستانده عیاللرنینگ کوچه‌یتیریش اوچون اینگ کته پروژه سنله‌دی؛ بیراق سونگی کونلرده افغانستان بوییچه امریکانینگ خاص نماینده‌سی بو پروژه ده فساد موجودلیگی‌دن خبر بیردی.
