پروان ولایتی یوز بستر کسلخانه مسؤول‌لری‌نینگ ایتیشیچه، بوییل سونگی ایکی آیی‌ده اوشبو کسلخانه‌ده جینِّی کوچیک قاپگن 30 واقعه رویخطگه آلینگن و بیر واقعه‌ده 5 یاشر باله یره‌سی آغیرلیگی باعث، ویروس نتیجه‌سیده هلاک بولگن.
رابیس ویروسی جینِّی کوچیک قاپگن‌دن کیین، کوچیک آغزی‌نی لعابی آرقه‌لی کیشی‌نینگ تنه‌سیگه اوته‌دی و اوندن کیین، عصبی سیستمه‌گه ییتیشیب و کیشی‌نینگ ایاق‌دن ییقیته‌دی. دستلب چالینگن کیشی بدن سُستلیگی، ایسیتمه و باش آغریگه چالینه‌دی و اوندن کیین، واکسین بولمه‌گن صورتده، ویروس بوتون تنه‌گه ییتیشگنی‌دن سونگ، کسل‌نینگ حیاتی‌گه نقطه قویه‌دی.
پروان ولایتی تینچ اهالی کسلخانه داکترلری‌نینگ مدیری داکتر محمدقاسم سنگین‌نینگ سلام وطندارگه ایتیشیچه، اوتگن ایکی آی‌ده چاریکار شهری صیادان قیشلاغی‌دن کوچیک قاپگن 25 واقعه و جبل‌السراج تومنی‌دن 5 واقعه اوشبو کسلخانه‌ده رویخطگه آلینگن. جناب سنگین، سونگی کوچیک قاپیش‌لر دلیلی‌نی ایگه‌سیز و جینِّی کوچیک‌لر رقمی آشگنی و شونینگ‌دیک، پرولایتی مرکزی کسلخانه‌سی و ساغلیک مرکزلریده اوشبو کسل‌لیک واکسینی یوقلیگی دیب بیله‌دی.
صیادان قیشلاغی یشاوچیلری مسؤول اداره‌لردن گِله قیلیب ایتیشیچه، بوتون پروان ولایتی‌ده اوشبو کسل‌لیک‌نی معلوم قیلیب و داروله‌یدیگن مرکز یوق دیر و اولر کسل‌لرینی مملکت پایتختی‌گه انتقال بیریش‌گه مجبور بوله‌دی. یشاوچی‌لر، اوشبو کسل‌لیک دلیلی‌نی اویده کوچیک اسره‌ش و ساغلیک مسئله‌لر رعایت قیلینمس‌لیگی دیگن‌لر.
پروان ولایتی یشاوچی‌لریدن کوپینچه‌سی، آو قیلیش و گله‌دارلیک اوچون اویلریده کوچیک اسره‌یدی و شونینگ‌دیک، کوپینچه‌سی اویده کوچیک اسره‌ش مدنیتی‌دن خبر سیز بولگن.
صیادان قیشلاغی یشاوچی‌لریدن بیری میرزا محمدنینگ ایتیشیچه، اوزی و ایکی کیچیک قیزی‌نینگ جینِّی کوچیک قاپگن، نتیجه‌ده 8500 افغانی‌گه رابیس ویروسی واکسینی اوتکزگن. میرزا محمدنینگ ایتیشیچه، حاضرگچه 5 مرته واکسین بولگن و هر بیر مرته واکسین قیلیش اوچون پایتخت باریش‌گه مجبور بوله‌دی.
دیمک پروان ولایتی عمومی ساغلیک ریاستی، شونده‌ی بیر واقعه‌لرگه تیکلش اوچون «محیط ساغلیگی» ناملی بیر بولیم آچگن، بیراق پروان ولایتی‌نینگ مرکزی کسلخانه‌سی تامانیدن ارایه ایتیلگن رقم‌دن خبرسیزلیک بیلدیرگن.
پروان عمومی ساغلیک ریاستی باشلیغی محمد قسیم سعیدی‌نینگ ایتیشیچه، اوشبو ریاست اوتگن ییل 1200 ایگه‌سیز کوچیک‌نی زهرلنگن گوشت بیریب اولدیرگن و بو ییل هم پروان‌نی ایریم قسمت‌لریده اوشبو لایحه یولگه قوییلگن؛ بیراق حاضرگه قدر ولایت اطرافی و شهرده جینِّی کوچیک موجودلیگی خصوصیده، مذکور ریاست‌گه خبر بیریلمه‌گن.
پروان ولایتی ساغلیک رسمی‌لری‌نینگ ایتیشیچه، رابیس کسل‌لیگی‌گه چالینگن کیشی‌لرنی 24 ساعت ایچیده ساغلیک مرکزلریدن بیری‌گه انتقال بیریب واکسین قیله‌دی. بیراق سوراق توغیله‌دی کیم، پروان مرکزی کسلخانه‌سی ایسلنگن واکسین یوقلیگی‌دن خبر بیره‌دی، پروان ولایتی اوزاق قیشلاق‌لری‌نینگ یشاوچیلری، ویروس واکسینی اوچون قیسی بیر مرکزده یوباریله‌دی ایکن.
