چاریکارده کوکت ایشلب چیقرووچی ایشخانه افغانستان حکومتی، کانادا دولتی و امریکا رواج لنتریش اداره سی اره‌سیده‌گی شرط‌‌نامه اساسیده 1383_ ییل چاریکار شهری نی شمالیده 13 جریب دولتی ییرده قوریلیب ایش‌گه باشله‌‌گن ایدی.
بیراق ایکی ییلدن کیین، ماین اورنه‌تیلیب پارتلشی سبب بو ایشخانه فعالیت‌دن قالدی.
یقینده سلام‌وطندارگه ییتیب کیلگن حجت‌گه کوره، ملی کینگش اعضالریدن بولگن سامعه عزیزی‌نینگ ایری مذکور ایشخانه‌نی غصب قیلگن.
پروان ولایت مقامی تمانیدن افغانستان ییرلری‌نینگ ایرکین اداره‌سی‌گه کیلگن 1396/7/20 تاریخی‌ده‌گی 213رقملی مکتوب‌گه 13جریب ییرده بولگن کوکت ایشلب چیقرووچی ایشخانه ملی کینگش اعضالریدن بیری آرقلی غصب بولگنی ایتیلگن.
پروان ولایتی ییرلر اداره‌سی باشلیغی عبدالحمید امیری‌نینگ ایتیشیچه، قیشلاقلرنی یوکسلتیریش اداره‌سی‌نینگ وقتینچه‌لیک باشلغی و کوکت ایشلب چیقرووچی ایشخانه اجراییه مدیری، عیالی سامعه عزیزی یاردمیده مذکور ایشخانه‌نی غصب ایتیب، قیته‌دن ایش‌گه تشله‌گنلر.
پروان ولایتی ییرلر اداره‌سی باشلیغی ایشخانه بنا ایتیلگن ییر دولت‌دن بولگنینی ایتیب، و عبدالواسع قولیده بوحقده هیچ قنده‌ی قانونی حجتی یوق.
پروان والیسی محمد عاصم عاصم، ایشخانه‌نینگ ایجاد قیلیش خرجتی‌نینگ 60 فایزی کانادا اولکه‌سی و امریکا یوکسلتیریش اداره‌سی تمانیدن و قالگن 40فایزی ایسه بیر انگلیسی جمغرمه آرقلی بیریلگن. و ایشخانه دولت‌دن بولگن ییرده بنا ایتیلگن دیر.
انه‌شوحالده پروان‌ده‌گی کوکت چیقرووچی ایشخانه اجراییه مدیری عبدالواسع مذکور ییر دولت‌دن ایکنی حقیده هیچ قنده‌ی حجت یوقلیگینی ایتیب، بو ایشخانه خصوصی تشبث کارلر آرقلی قوریلگنینی اورغولیدی.
نماینده‌لر کینگش‌نینگ اعضاسی سامعه عزیزی سادات پروان‌نینگ محلی ملازملری قیلگن ادعالرنی رد قیلیب، بیراق او بو ییر زوروانلر آرقلی غصب بولیشی‌گه توسیق بولگنینی معلوم قیله‌دی.
مذکور ایشخانه کیینگی ناقرارلیکلر سبب ایش‌دن قالگن و بوگون‌گه قدر ایشخانه تقدیری نیمه‌لیگی انیق لنمه‌گن دیر.
