پرتگال ملی فوتبال تیمی (یورو2016) اروپا ملت‌لری قهرمان‌لیک جامی‌نینگ سونگی اویین‌لرده فرانسه‌لیکلرنی 1-0 گه یوتدی و اوشبو دوره قهرمان‌لیگی‌گه ییتدی.
ایکی تیم بیریلگن وقتنی گول اورالمسدن اوتکزدیلر و آدر 109 دقیقه‌ده بیرینچی گولنی فرانسه لیکلر ایشیگی‌گه اوردی.
فرانسه‌لیکلر هجوم قیلیشلری بیلن اوییننی باشله‌دیلر. اویین باشله‌نیشی بیلن رونالدو مصدوم بولدی و پرتگال‌لیکلرنی خواطرگه سالدی، اما او ینه اویینگه کیردی. 10- دقیقه‌ده گریزمان فرانسه‌لیکلرنی گول اوروش خطری بیلن روپه‌ره قیلدی، ولی توپ کارنر بولدی.
رونالدو اوییننی دوام ایتیره آلمسدن میداننی ترک قیلدی، پرتگال‌لیکلر بیرینچی میدانده فرانسه‌لیکلرگه هجوم قیلیب باسیم کیلتیردیلر و فرانسه هم تماشاچی‌لری ایسته‌گیگه یره‌شه عمل قیله آمه‌دیلر. بیرینچی میدانده ایکی تامان هم گول اورآلمه‌دی.
شونینگ‌دیک فرانسه‌لیکلر هجومی بیلن اویین دوام ایتدی. اویین اداغیده، حساسیت‌لر یوقاری درجه ده بولگن ایدی. بیله‌شوو 92- دقیقه‌سیده، ژینیاک نینگ ضربه‌سی پرتگال‌لیکلر ایشیگینی هدف قرار بیردی، اما گول بولمه‌دی و اویین اضافه وقت‌گه کیتدی.
آلینگن اضافه وقت بیرینچی مرحله‌سیده آلدینکی دیک دوام بیریلدی. 104 دقیقه‌ده پرتگال‌لیکلر آغیر باسیم کیلتیریشلری بیلن لوریس ایشیگینی تهدید قیلدیلر. اضافه وقت بیرینچی مرحله‌سی مساوی شکلده گول سیز تمام بولدی.
بیریلگن اضافه وقت ایکینچی مرحله‌سی پرتگال‌لیکلر اوچون ایدی. 107- دقیقه‌ده فرانسه‌لیکلر ایشیگی گول ضربه‌سی بیلن تهدید بولدی و 109 – دقیقه‌ده آدر تک حرکتی بیلن فرانسه ایشیگی قیزیل چیزیغی ایچیدن ییردن قیلگن شوتی بیلن فرانسه‌لیکلر ایشیگینی آچدی و سنت دنیس سپورت میدانی شکلی اوزگردی.
فرانسه‌لیکلر ایکینچی اضافه وقتدن قالگن 10 دقیقه‌ده کوپلب تلاش قیلدیلر تا پرتگال‌لیکلر ایشیگینی گول بیلن آچسه‌لر، اما تلاشلری نتیجه سیز قالدی و پرتگال‌لیکلر فرانسه توپراغیده قهرمانلیک‌لریدن بیره‌م آلدیلر.
