«افغانی پول‌دن فایده‌لنگن‌لر، دستلبکی ماده‌لرنی منده‌یی نرخی گه قولگه کیریته‌دیلر.» اوشبو متن خوست ولایتیده بوت ساتووچی دکانلردن بیرینی دروازه‌سیده یازیلگن.
بو دکان مالکی شاهدالله نینگ ایتیشیچه، دکانی‌ده بولگن ماده‌لرنی افغانی پول‌گه ساتین آلیش‌نی ایسته‌گن کیشی‌لر مندوی نرخی‌گه قولگه کیلتیره‌آله‌دیلر.
خوست مدنی فعاللریدن بیری کمین خان‌نینگ ایتیشیچه، اوشبو ولایتده افغانی پول‌نی رواجلنتیریش اوچون بیر ییلدن بویان کمپاین‌نینگ دوامی بار.
اونینگ ایتیشیچه، حکومت همکارلیگی بیلن خوست یشاوچیلری آره‌سیده افغانی پول‌نی رواجلنتیریش اوچون سعی و حرکت قیله‌دیلر.
خوست بلدیه باشلیغی عبدالبصیر محمدزی‌نینگ ایتیشیچه، خوست یشاوچیلری آره‌سیده افغانی پولی رواج‌لنگن صورتده، بازار کالالریگه مناسب نرخ تعیین قیله‌دیلر.
خوست حاکمی‌نینگ سوزلاوچیسی طالب منگل‌نینگ ایتیشیچه، افغانی پولی‌نینگ رواجلنتیریش اوچون محلی حکومت‌نینگ جدی اراده‌سی بار.
بوندن آلدین هم یشاوچی‌لر آره‌سیده، افغانی پول‌نی رواجلنتیریش اوچون سعی و حرکت‌لر صورت تاپگن، بیراق خوست اوزاقده بولگن ولایت‌لردن بولگنی سبب ایجابی نتیجه بیرمه‌گن.
