افغانستان و پاکستان ملی تاجرلری‌نینگ قیین چیلیگی‌گه پایان بیریش اوچون لاهورده اوتکزیلگن ایکّی کونلیک ییغین اداغیگه ایریشگن.
افغانستان تجارت اتاغی‌نینگ سوزلاووچی‌سی صیام‌الدین پسرلی‌نینگ سلام‌وطندارگه ایتیشیچه، ییغین مارج آیی نینگ 21 سی‌ده ایکّی مملگت‌نینگ 40 دن آرتیق ملی تاجری اشتراک قیلیش بیلن باشلنگن.
ییغین‌ده ایکّی مملکت ملی تاجرلری معمالر اوستیده بحث آلیب باریلگن. جناب پسرلی ییغین‌ده ایکّی مملکت اورته‌سیده‌گی ترانیزیتی معما دن علاوه منفعتی بیر بولگن قوشمه شرکت‌لر ایجاد ایتلیشی بحث‌گه آلینگن.
افغانستانلیک تاجرلرهر دایم "اپتا" لایحه‌سی پاکستانلیک ملی سوداگرلر تامانیدن ایاغ آستیده ایتیلیشی باره‌سیده نالیب کیلگن‌لر.
افغانستان صناعت و تجارت وزیرلیگی‌نینگ معاونی مزمل شینواری، پارلمان‌ده قیلگن چیقیش‌ده، پاکستان "اپتا" لایحه‌سیگه جدی اعتبار بیرمه‌گن حالده، بوندن بویان بو مملکت بیلن اوشبو ساحه‌ده شرطنامه امضالنمس‌لیگی‌نی ایتگن ایدی.
عین حالده، افغانستان و پاکستان نینگ ملی تاجرلری ایکّی دولت‌دن هم سیاسی مساله‌لرنی اقتصادی موضوع لرگه اره‌لشتیرمس‌لیک‌لری توغریسی‌ده تاکیدله گن‌لر.
تجارت اتاغی‌نینگ سوزلاوچی‌سی اوشبو ییغین‌نینگ ایکینچی دوری یقین‌ده افغانستانده اوتکزیلیشی باره‌سیده خبر بیرگن.
اقتصادی تحلیلچی تاج محمد اکبری‌گه کوره، افغانستان و پاکستان اورته‌سیده تجاری علاقه‌لر یخشی له‌نیشی ایکّی مملکت‌نینگ هم اقتصادی اوچون ییریک رولی بار دیگن.
شونینگ‌دیک جناب اکبری، رسمی کابل – اسلام آباد اورته‌سیده‌گی اقتصادی علاقه یخشی‌لنگن حالده، بو وضعیت سیاسی حالت‌گه هم ایجابی تاثیر قالدیریشی ممکن‌لیگی حقیده تاکیدله‌گن.
