پاکستان حربی رسمی‌لری شمالی وزیرستانده طالب لرگه قرشی عملیات یولگه قوییلگنیدن خبر بیردی.
ایتیلیشیچه، اوشبو حربی عملیات‌ده مذکور مملکت نینگ یوزلب ملی کوچلری قوشیمچه اونلب آغیر قورال اشتراک قیلگن.
گزارش لرگه کوره، مذکور عملیات شمالی وزیرستان منطقه سینی طالب لردن تازه لش اوچون یولگه قوییلگن.
پاکستان یشاوچیلری نینگ ایتیشلریچه، مذکور مملکت حربی کوچلری هجوم لرنی شمالی و ینه جنوبی وزیرستاندن باشله‌گن‌لر.
هندلیک کونده لیک «اندیا تودی» نینگ یازیشیچه، جنگری طالب‌لر ییرلشگن شاول دره‌سی اورمان زار بولگنی باعث عملیات اونچه‌لیک موفق عملگه آشیریلمه‌گن.
گزارشلرگه کوره، حاضرگه قدر اوشبو عملیات نتیجه ده 15 طالب هلاک ایتیلگن.
اوز نامی فاش ایتیلیشینی ایستمه‌گن پاکستان حربی رسمی‌لریدن بیری نینگ میدیاگه ایتیشیچه، مذکور عملیات پاکستان امنیتی کوچلری تامانیدن شاول تاغ لری و دره‌لریده یولگه قوییلگن ییریک عملیات لردن بیری.
شمالی وزیرستانده طالب‌لر گروهی شکلده ایلدیز آتگن‌لر. گزارشلرگه کوره، بو گروه مذکور منطقه ده مرکزلشگن.
ایتیلیشیچه، افغانستان ده‌گی طالب‌لر بیلن پاکستانلیک طالب بیر هدف اوچون اورشه دیلر، پاکستانده‌گی طالب‌لر مذکور اولکه قدرتی‌نی قولگه آلیب، هسته یی قدرتی آرقه‌لی کوچلی اسلامی حکومت قوریش‌نی ایسته یدیلر.
بوندن آلدین خلق ارا امنیتی کوچلر پاکستان حکومتی‌دن طالب‌لرگه قرشی حربی عملیات یولگه قوییشنی سوره‌گن ایدی.
شمالی وزیرستانده‌گی تینچ اهالی نینگ ایتیشلریچه، امنیتی کوچلر و حربی تانک لر منطقه ده ییرلشتیریلگنی سبب وقتینچه لیک اوز ییش جایلرینی ترک قیلگن لر.
ایتیلیشیچه، مذکور منطقه ده عملیات دوام ایتماقده، نتیجه ده یول لر توسیلیب، تلیفون خط لری اوزیلیب و اهالی اوییدن تشقریگه چیقه آلمسلیککه باعث بولگن.
جناب غنی جمهور رییس لیک لوازمیگه ایریشگندن سونگ، افغانستان بیلن پاکستان علاقه‌سی سابقه‌سیز یخشی لنگن لیگینی تیل‌گه آلگن ایدی.
جمهور رییس غنی حاضر گچه نیچه مرته پاکستان گه سفر قیلدی. گزارش لرگه کوره، غنی رسمی اسلام آباد دن طالب لرگه قرشی کوره شیشی نی ایتکن، بیراق افغانستان رسمی لری، پاکستان حاضرگه قدر افغانستان دولتی بیلن قرشی کوره شه دیگن جنگریلر فعالیتی آلدی آلینیشی اوچون عملده هیچ بیر ایش قیلمه‌گن لیگینی ایتگنلر.
