اوتگن کون عاموی اخبارات واسطه لریده افغانستان ملی اردوسی نینگ آلتی عسکری حربی تعلیمات کوریش اوچون پاکستانگه کیتگن‌لیگی خبر قیلیندی. پاکستان اوزاق ییل‌لردن بیری افغانستان‌لیک حربی‌لرنی توپراغیده حربی ساحه ده تیارگرلیک‌دن اوتکزیش‌نی سوره‌ب کیله‌دی.
افغانستان جمهور رییسی داکتر محمد اشرف غنی آخرگی مرته پاکستانگه قیلگن رسمی سفر جریانیده افغان ملی کوچلری بو مملکت‌ده حربی ساحه ده تعلیمات کوریشلرینی تن آلدی. سابق جمهور رییس حامد کرزی، پاکستان دولتی نینگ بو قبل ایستک‌لرینی هر دایم رد قیلیب کیلگن ایدی. اما، حاضرگی کونده افغانستان حکومتی نینگ تشقی سیاستی اوزگریشی نتیجه سیده مملکت ملی اردوسی نینگ آلتی نفر عسکری پاکستانده حربی بولیمده تیارگرلیک کوریش اوچون او مملکت گه جونَتیلدی.
سونگی نیچه کوندن بیری پاکستان عاموی اخبارات واسطه لریده بو مملکت نینگ تشقی سیاستی همده امنیتی‌گه بنیادی اوزگریش کیلگن‌لیگی باره سیده ایریم خبرلر نشر ایتیلماقده. پاکستان‌لیک حربی تحلیل‌چیلر و کونده‌لیک یازووچیلر بو مملکت نینگ حربی بلند مرتبه‌لی رسمیلری سیکین – سیکین مذهبی و افراطی گروه‌لرنی سوء استعمال قیلیش سیاست بیکار ایتیلیشی باره سیده قرار قبول قیله یاتگن‌لیک‌لرینی ایتگن‌لر.
کورینیچه رسمی کابل بیلن اسلام آباد نینگ علاقه سی یخشی لنگن. ایکی تامان هم بیر – بیراو لری‌نینگ ایش لرینی ترغیب قیلیشماقده. بو علاقه لرنینگ مستحکم له‌نیشی هندوستان مدیاسی‌نی افغانستان بیلن پاکستان اورته سیده کوزه تیله یاتگن سابقه سیز علاقه بولگن لیگی‌نی بیلدیریب، حتی تشویشلی بولگن لیگی‌نی هم رد قیلمه گنلر.
کورینیشیچه، رسمی کابل ایریم مسله‌لر اوچون اسلام آباد دن بعضی بیر قطعی وعده‌لرنی آلگن. کابل، اسلام آباد نینگ بیرگن وعده لری عملده تطبق ایتیلیشی‌نی کوته‌دی. شونینگ دیک افغانستان پاکستان دولتی نینگ ایریم تکلیف‌لریگه هم ایجابی جواب بیرگنی ایتیله‌دی. بو ایستک‌لردن بیری افغان کوچلرینی پاکستانده حربی تیارگرلیک اوتکزیش‌دن عبارت.
پاکستان بیلن سیاست‌ده قرشلیک قیلیش افغانستان منفعتیگه بولمس‌لیگی همه اوچون معلوم. ایتیلیشی‌چه، آلتمیش ییلدن بیری افغانستان و پاکستان بیر – بیراوی بیلن دشمن‌لیک قیلیب، ایکی مملکت علاقه سی یخشی‌له نیشی اوچون تاریخی فرصت‌لر قولدن بیریلگن. بوندن بویان مذکور ایکّی مملکت بونده‌ی نا توغری سیاست‌لرگه پایان بیریشی کیره‌ک. پاکستان؛ افغانستان‌ده یاشیرینچ اوروش‌نی یولگه تشلش بیلن کتّه مبلغ تولشگه مجبور بولگن. شونینگ دیک راولپندی جنرال‌لری افغانستان‌گه قرشی اعلان ایتیلمه گن و سیر اوروش‌نی یولگه تشلش بیلن خوف سیزلیک، اقتصاد وسیاست نطقه نظردن پاکستاننی قربان قیلیشگن.
کابل هم اوتگن ییل‌لر جریانیده دشمن‌لیک دولی‌نی چالیش بیلن افغانستان خلقی‌نی قاره توپراققه بوله‌گن. افغانستان و پاکستان تاریخ دامیده بیر – بیراویگه قیلگن دشمن‌لیکدن منفعت قولگه کیریتله آلمه‌دی بلکه کته زیان کوریشگه سبب بولدی. بوندن بویان بو ایکّی دولت بیر قوشینی صفتی‌ده ملی مسله‌لر اوچون دوست و اورتاقلیک کیلیشی لازم. ایکله مملکت هم علاقه‌لر ایجابی اوزگریشی و ایشانچ توغدیریش منطق‌گه استوار مسله‌لرنی نظرده توتیب ایش کوریش‌لری تاکیدلنه‌دی.
هنوزگچه هم افغانستان‌ده زوروانلیک حال‌لری کمیگنینی اثباتلاوچی هیچ قنده‌ی اوزگریشلر کوزه‌تیلمه گن. هنوز هم القاعده و حقانی ترور ترماغی عملده ترورچیلیک و افراطیت حرکت لریگه دوام ایتماقده. پاکستان دولتی افغانستان حکومتی‌گه بیرار امتیازنی بیرگن بولسه – ده بو مسله‌نی افغانستان حکومتی مملکت خلقی بیلن اورته گه قوییشی ضررو. دولت هیچ بیر مسله‌نی اهالیدن سیر سقله مس‌لیگی لازم. آخرگه کیلیب، دنیا عاموی اخبارات واسطه‌لری افغانستان و پاکستان دولتی اورته سیده ایریشیلگن مورد لرنی فاش قیلیش احتمال‌دن اوزاق ایمس. افغانستان خلقی، رسمی اسلام آباد بیلن کابل نی علاقه سی ینگی‌دن یخشی لنگن‌لیگی اهالی منفعتیگه بولگن حالده، اونی خوش قرشیلدی‌لر.
