پاکستان اردوسی زاخیل کمپی یشاوچیلری‌گه مذکور کمپ‌نی ترک ایتیش‌گه بیر کون مهلت بیرگن.
ایتیلیشیچه، 24 ساعت ایچیده اوشبو مهاجرلر مذکور کمپ‌نی ترک ایتمه‌گن صورتده، جدی حرکت لرگه روپه ره بولیشی ممکن.
دوبندیوال کینگشی باشلیغی ثواب الدین مخکخ نینگ سلام وطندارگه ایتیشیچه، بوندن آلدین مذکور کمپ ده یوزبیرگن قیین چیلیک لر حلی اوچون پاکستان پولیسی سعی وحرکت قیلردی. بیراق، حاضر ایسه پاکستان مهاجرلر بو کمپ نی ترک قیلیشی اوچون مهلت تعین قیلگن.
پاکستان حربی مسووللری‌گه کوره، تعین بولگن زمانگه قدر مهاجرلر کمپ‌نی ترک ایتمه‌گن حالده، اولر نینگ ییش اوی لری بوزیلیب تشلنه‌دی.
گزارش‌لرگه کوره، افغانستان نینگ اسلام آباد ده‌گی ایلچیسی جانان موسی‌زی، بو موضوع نی خیبر پشتونخوا ایالتی وزیری پرویز بیلن جریان گه قویگن.
اما، موسی‌زی نینگ بو باره ده‌گی ایسته‌گی رد ایتیلگن.
جانان موسی‌زی نینگ زاخیل کمپی یشاوچیلری گه ایتیشیچه، اردو تامانیدن بیریلگن مهلت نی نظرده توتیشلری کیرهک چونکه مذکور کمپ ده یشش اوچون بوندن بویان امکانیت موجود ایمس.
زاخیل کمپی یشاوچیلری بوندن آلدین 10 الی 20 کون گچه پاکستان حکومتی رسمی لریدن وقت سوره‌گن ایدیلر. بیراق سلام وطندار نی بوندن آلدین قولگه کیریتگن گزارشی‌ده پاکستان پولیسی بیلن زاخیل کمپی یشاووچی‌لری اورته‌سیده اوروش یوز بیرگنی معلوم بوله‌دی.
اسلام آباد ده‌گی قاشقینلر بوییچه وزیرلیک نماینده‌سی مصری خان مومند نینگ سلام وطندار بیلن تلیفون سوزلشیب ایتیشیچه، بو توقنه شوو 13- می پولیس و مهاجرلر آره‌سیده یوزبیرگن.
اسلام آباد ده‌گی افغانستان ایلچی خانه‌سی رسمیلریگه کوره، بو توقنشوولر میلادی 2010- ییل دن بیری دوام ایتیب کیلگن.
گزارش‌لرگه کوره، بیرینچی‌دن مذکور دکان‌لر ناقانونی شکلده کمپ ایچیده پاکستانلیک‌لر آرقه‌لی قوریلگن، سونگ اوشبو کمپ ده‌گی پاکستانلیک‌لر دکان‌لری و اوی لری پولیس تامانیدن بوزیلیب تشلنگنی سبب اولر ناراضیلیک بیلدیریب افغانستان مهاجرلری نینگ اوشبو کمپ ده‌گی دکان‌لری و اویلری بوزیلیشی‌نی سوره‌گن‌لر.
زاخیل کمپی اسلام آباد شهری «جی تی رود» منطقه‌سیده جایلشگن و بو کمپ ده 5 مینگ افغانستان مهاجری حیات کیچره‌دی.
مصری خان مومند گه کوره، مذکور کمپ‌ده سوو تاشقینی یوزبیریب، قطار اویلر بوزیلگنی‌دن سونگ، پاکستان پولیسی زاخیل کمپی‌نی قورشاوگه آلگن، بیراق جنجل لر سبب، مهاجرلرگه قیته‌دن بو کمپ‌ده یشش‌گه رخصت بیرگن‌لر.
