افغانستان تشقی ایشلر وزیرلیگی مسؤوللری‌نینگ ایتیشیچه، کیله‌جک ایکی کون‌گچه افغانستان تامانیدن عصیانچیلرگه قرشی کوره‌ش و پاکستان رسمی‌لری بیلن یره‌شیش اوچون اسلامآبادگه بیر هیأت یوباریله‌دی.
سلام‌وطندارگه صحبت بیرگن تشقی ایشلر وزیرلیگی سوزلاوچیسی اورین باسری صبغت احمدی‌نینگ ایتیشیچه، افغانستان هیأتی بو سفریده اوتگن هفته کابل‌ده پاکستاندن کیلگن هیأت تامانیدن بیان ایتیلگن موضوعلر اوستیگه پاکستان رسمی‌لری بیلن بحث قیلیش‌گه قرار قیلینگن.
اوتگن هفته پاکستان تامانیدن کابل‌گه کیلگن هیأت افغانستان حکومتی‌نینگ رسمی‌لری بیلن عصیانچیلرگه قرشی کوره‌ش، زوره‌وانلیک‌لر کمه‌ییشی، تینچلیک تأمین‌لنیشی، اقتصادی همکارلیک‌لر و افغانستان قاچقین‌لری‌نینگ قیین‌چیلیک‌لری اوستیگه بحث اوتکزگن.
تشقی ایشلر وزیرلیگی سوزلاوچیسی‌نینگ اورین باسری، اسلامآبادگه سفر قیله‌دیگن هیأت توغریسیده آرتیقچه معلومات بیرمه‌گن، بیراق ایتیشیچه، بو هیأت اوتگن هفته ایکی مملکت رسمی‌لری آره‌سیده بیان ایتیلگن موضوعلرنی ایزله‌یدی.
اوتگن هفته پاکستان تامانیدن کابل‌گه یوباریلگن هیأت سفریدن سونگ، پاکستان حربی‌لری تامانیدن افغانستان چیگره‌یی منطقه‌لری موشکی هجوملرگه دوچ کیلدی و کنر ولایتی‌نینگ 5 تومنی موشک آرقه‌لی نشانگه آلیندی.
