اوتگن کون کیچکی پیت پاکستان بلوچستان کویته شهری نینگ نیوسریاب منطقه‌سیده حربی بیر مرکز قوراللنگن اوچ کیشی تامانیدن هجوم آستیگه آلیندی. هجوم نتیجه‌سیده بو مرکزده تعلیم کوره‌دیگن 61 حربی محصل قربان بولگن و کمیده 122 انسان ایسه آغیر و اینگیل یره‌لنگن.
اوشبو هجوم دوشنبه‌دن سه‌شنبه‌گه اوتر کیچه‌سی ساعت 10 ده صادر ایتیلگن لیگی بلوچستان ایالتی وزیری سرفراد بگتی تامانیدن تیلگه آلیندی. جناب بگتی، هجومچیلر مرکزنینگ آرقه دیواریدن کیریب آلیب نیچه دقیقه‌دن سونگ قوریقچیلر بیلن توقنشگن لیکلرینی ایتگن.
شونینگدیک امنیتی کوچلر بیلن جنگریلر اورته‌سیده تورت ساعت هجوم دوام ایتگن لیگی پاکستان رسمیلری تامانیدن تصدیق ایتیلگن.
بو مرکزده چمه‌سی 700 نفر حربی ساحه‌ده تعلیم کوریش بیلن شغللنگن. مرکزده گی صنفلرده 250 حربی مصحل درس بیلن بند بولگن بیر چاغده هجوم اویوشتیریلگن.
پاکستانده‌گی آزاد خبرچی رزاق برق نینگ سلام‌وطندار رادیو ترماغیگه بیرگن صحبت‌ده، هجومده قربان بولگنلرنینگ کوپینچه‌سی رابوکتی، چمن، لورلایی، کلاعبدالله وتوربت فقراسی بولگن‌لیگینی بیلدیرگن. جناب برق، آتیشمه‌نینگ حددن زور بولگن‌لیگی باعث حربی مرکزنینگ اطرافیده جایلشگن اویلرگه زیان ییتگن لیگینی تیلگه آلگن. لیکن، هجوم نینگ انیق تلفاتی و زیانی توغریسیده ییتکرمه‌لرگه بیرار نرسه دییلمه‌گن.
هجوم مسوولیتی‌نی جنگوی ترورچیلیک گروهی اوز بوینیگه آلگن، بیراق، پاکستان حکومتی‌نینگ بلند مرتبه‌لی رسمیلری هجوم افغانستان‌ده پلانلشتیریلگن لیگینی ادعدا قیلگنلر.
پاکستانلیک رسمیلری بو قبیل سوزلرینی رد قیلگن جمهور رییس سوزلاووچیسی نینگ اورین باسری دواخان مینه‌پال، ترورچیلر یخشی یاماننی تانیمس‌لیگینی اظهار قیلگن.
شونینگدیک افغانستان جمهور رییسلیک بیانات نشر قیلیب هجومنی قاره‌لگن. جمهور رییس غینی‌گه اساله‌نیب یازیلگن بو خبر نامه‌ده، ترورچیلر افغانستان و منطقه دولتلری اوچون ییریک تهدید بولگن لیگی قید ایتیلگن. بو پدیده گه قرشی کوره‌ش قوشمه همکارلیک‌که احتیاج بار دییلگن اعلامیه‌ده.
