ننگرهار ولایتی قاچقین‌لر ایشلری بوییچه اداره‌نینگ مسوول‌لری، سونگی بیر آیدن بیری پاکستان‌دن مملکت‌گه قیته‌دیگن مهاجرلر سانی 80% آشگن لیگی‌نی ایتگن‌لر.
ننگرهار قاچقین‌لر اداره‌سی‌نینگ باشلیغی غلام حیدر فقیرزی، بیر آیدن بیری پاکستان‌ده یشش اوچون قانونی حجتی بولمه‌گن 2700 عایله مملکت‌گه قیتگن لیگی‌نی بیلدیرگن. فقیرزی، او مملکت‌ده یشش اوچون قانونی حجتی بولگن 359 عایله هم افغانستان‌گه قیتگن لیگی‌نی تیل‌گه آلگن.
شونینگ‌دیک ولایت‌نینگ قاچقین‌لر اداره‌سی باشلیغی، بولردن تشقری قانونی یشش اوچون حجتی بولمه‌گن 900 خانه‌دان پاکستان پولیسی تامانیدن اوشله‌نیب تورخم بندریده افغانستان حکومتی‌گه تاپشیریلگن‌لر دیدی.
اونگه‌کوره، بیرلشگن ملت‌لر تشکیلاتی‌نینگ قاچقین‌لر ایشلری بوییچه اداره‌سی، قانونی یشش اوچون حجتی بولگن هر بیر عایله‌گه 400 دالر و حجتی بولمه‌گن خانه‌دانلرگه 300 دالر کومک قیلگن دیگن.
عین حالده، یقین‌ده مملکت‌گه قیتگن بیر قنچه قاچقین‌لرنینگ سوزیگه کوره، پاکستان پولیسی افغانستانلیک مهاجرلر بیلن مناسب یاند‌ه‌شمه یاتگن‌لیگی باعث بولرنینگ کته قسمی مملکت‌گه قیتیش اوچون قرار آلگن‌لر.
خرسندلیک بیلدیرگن مذکور مهاجرلر افغانستان حکومتی و باشقه نادولت اداره‌لردن وطن‌گه قیتگن خانه‌دانلرگه باش پنه قوریب بیریش اوچون همکارلیک قیلیش‌نی سوره‌گن‌لر.
لیکن، قانونی حجتی بولمه‌گن بیر قنچه مهاجرلر هنوزگچه هیچ بیر ادار تامانیدن یاردم قولگه کیریتمه‌گن لیک‌لرینی تیل‌گه آلگن‌لر.
عین حالده، ننگرهار قاچقین‌لر اداره‌سی‌نینگ باشلیغی، ایندی مملکت‌گه قیته دینگ مهاجلرنینگ باش پنه معماسی حلی باره‌سیده حکومت همده خلق ارا اداره لر بیلن صحبت قیلیشی اوستیده تاکید ایتگن.
حاضرگی کونده هم افغانستانلیک ایکی میلیون مهاجر پاکستان‌ده استقامت قیله‌دی. بو جلمه‌دن بیر یریم میلیون مهاجرنینگ قانونی یشش کارتی بارلیگی ایتیله‌دی.
