قوراللی طالب‌لرنینگ سابق رهبری ملااخترمحمد منصور پاکستان توپراغیده امریکه‌نینگ اوچوچی‌سیز باشقریله‌دیگن حربی اوچاقلری بیرگن ضربه نتیجه‌سیده اولدیریلیشی بو مملکت‌ده افغانستانلیک مهاجرلرگه شرایط قیین لشدی. پاکستانده‌گی سلام‌وطندارنینگ ایرکین خبرچی‌سی گزارشی‌ده، اخیرگی وقت‌لرده افغانستانلیک مهاجرلر او مملکت‌نینگ هر منطقه‌سی‌ده پولیس رسمیلری تامانیدن اذیت ایتیلیشی‌لری قید ایتیلگن.
پاکستانده سلام‌وطندارنینگ خبرچی‌سی رزاق برق‌نینگ ایتیشیچه، مساله نی کیشی‌ده ویزه بولیشی یا بولمس لیگی‌گه هیچ علاقه‌سی یوق. جناب برق، پولیس افغانستانلیک قاچقینلرنی شفاخانه، دَم آلیش مرکزی، مهمانخانه بلاخره قه‌ییر بولمه‌سین اذیت ایته‌دی دیگن.
سلاموطندار خبرچی‌سی‌نینگ سوزلریگه کوره، پاکستانلیک پولیس‌لر افغانستانلیک مهاجرلردن پاره آلیب هر قنده‌ی بهانه بیلن اولرنی بیر ایشیک‌دن باشقه بیر ایشیک‌که آوره قیله‌دی.
اما، پاکستانلیک خبرچی و یازووچی‌نینگ بیلدیریشیچه، بو وضعیت پاکستانلیک پولیس‌لر تامانیدن افغانستانلیک مهاجرلرگه قرشی صادر ایتلیه دیگن بیرینچی واقعه ایمس. جناب یوسفزی، افغانستانلیک قاچقینلرنی پاکستانده اذیت ایتیلیشی توغریدن توغری ایکّی مملکت نینگ سیاسی و امنیتی علاقه‌سیگه تیگیشلی دیگن.
پاکستانلیک بو خبرچی همده یازووچی، بو قیینچلیک حتی ایکّی مملکت دیپلماتیک بولیمی‌ده هم موجود دیگن. اونینگ ایتیشیچه، افغانستاننینگ پاکستانده ایلچیلگی و کنسولگرلیگی هم بو قبیل معمالر بیلن روپه ره.
اخیرگی وقت‌لرده پاکستانگه باش اورگن مملکت اهالی‌سی نینگ بیر قنچه‌سی‌گه کوره، کیشی لرنینگ قولیده ویزه بولیشی‌گه قره‌می، بیر شفاخانه دن باشقه بیر شفاخانه گه مراجعه قیلگنده هم پاکستانلیک پولیس‌لر تامانیدن جدی اذیت بوله دیلر.
افغانستان تشقی ایشلر وزیرلیگی‌نینگ سوزلاوچی‌سی شکیب مستغنی‌نینگ بو بارهده ایتیشیچه، افغانستانلیک مهاجرلرنینگ ییریک قیینچلیگی ویزه‌سیزلیک دیر و افغانستان نینگ پاکستانده‌گی ایلچی خانه‌سیده بو موضوع حل ایتیلیشی اوچون سعی و حرکت باشله گن.
اما، مملکت‌ده‌گی پاکستان ایلچی‌خانه‌سی مطبوعات خذمتی نینگ مسوولی اختر منیر بو مساله لرنی بوتونلی رد قیلیب، پاکستان سیره هم افغانستانلیک مهاجرلر بیلن قوپال یاندهشمه گن دیگن. جناب منیرنینگ ایتیشیچه، "پاسپورت همده ویزهسی بولگن مهاجر بیلن بوندهی بیر معامله ده بولیش قنچه‌لیک ممکن؟"
افغانستان دولت بلند مرتبه‌لی رسمیلری هر دایم پاکستاننی ترورچی گروه‌لرنی حمایت ایتیب کیلگن لیکده عیب له گن. شونینگ‌دیک افغان رسمیلری، جنگری گروه لرنینگ رهبرلری پاکستان توپراغیده حیات کیچیریب کیلیشی‌نی ادعا ایتیب کیلگن‌لر. بوندن چمه‌سی 20 کون آلدین پاکستان توپراغیده قوراللی طالب‌لرنینگ رهبری ملااخترمنصور اولدیریلیشی مملکت رسمیلری ادعاسی اوچون یقال مثال بوله آله‌دی. ملا منصور اولدیریلگن‌دن سونگ پاکستان دنیا همجمعیتی قاله ویرسه امریکه قوشیمه ایالت لری آرقلی نیچه مرته سیاسی باسیم آستی‌گه آلیندی.
