ارګ پرون اعلان وکړ چې ولسمشر دوویم مرستیال، د مرستو شریکولو شورا استازیو په ۱۳۹۸ کال کې د ولسمشرۍ یو شمېر نوماندانو او د هغوی د ځېنو نورو واکمنو استازیو، د سیاسي ګوندونو استازو، په ټاکنو پورې د اړوندو مدني بنسټونو استازیو او د عدلیې وزارت د تقنین مشر په حضور وروستۍ مشورتي غونډې کې د ټاکنو د قانون تعدیل طرحه تایید شوه.
یوه شپه وروسته، ارګ نن اعلان وکړ چې کابینې دغه طرحه یې تصویب کړې او مصوبه یې هم د ولسمشر محمد اشرف غني له لوري توشیح شوېده.
ورته مطالب:
د حکومت په لاس د ټاکنو قانون تعدیل، د ټاکنو بهیر کې لاسوهنه ګڼل کېږي
د ټاکنو کمېسیون ځو ځلې اساسي قانون، د ټاکنو قانون او ټاکنیز مهالوېش نقض کړی
د ټاکنو قانون د تعدیل طرحه ناقصه ده
ولسمشر غني د کابینې غونډه کې وايي، د ټاکنو قانون تعدیل طرحه، د سیاسي قشر، د ولسمشرۍ نوماندانو، د ټاکنو نظارتي بنسټونو او د افغانستان د مدني ټولنې د اجماع پایله ده.
خو د ټاکنو خپلواک کمېسیون وايي، اوسني وخت کې ـ چې د ولسمشرۍ راتلونکیو ټاکنو ته د ولسمشر محمد اشرف غني او اجرایوي ريیس عبدالله عبدالله په ګډون نوماندانو نوملیکنه کړې ـ د ټاکنو د قانون تعدیل، د افغانستان راتلونکې ته خطرناکه پایلې لرلی شي او دا د ټاکنو بهیر کې له لاسوهنې پرته بل څه نه دي.
د ټاکنو کمېسیون له مرستیالانو ذبیحالله سادات وايي، د ټاکنو قانون کې تعدیلات د ولسمشرۍ ټاکنو ترسره کولو کې د بېوخته ځنډ راتلو لامل هم کېږي.
لهدې سره یو شمېر حقوقي کارپوهان هم پهدې باور دي چې روانو شرایطو کې د ټاکنو په قانون کې د تعدیلاتو راوستل، ناوړه پایلې له ځانه سره درلودی شي.
حقوقي کارپوه عبدالواحید فرزهيي وايي، اوسنیو شرایطو ته په پام، د ټاکنو کمېسیون صلاحیتونه محدودېږي او دغه راز د غوراوي کمېټه له منځه ځي. د ده په وینا، کهچېرې دغه موارد تطبیق شي؛ د خبرې مفهوم دا دی چې د حکومت مشران یو ځل بیا د قدرات په راس کې او خلک به هم د هغوی په حصارت کې وي.
بلاخره، د ولسمشر دویم مرستیال سرور دانش په مشرۍ له څلورو ورځو عمومي ناستو وروسته،پرون دغه طرحه تایید او نن د ولسمشر غني له لوري توشیح شوه.
