تېره شپه ناوخته د پکتیکا مرکز ښرنه کې د دولت مخالفانو دوې لېسې په بمونو الوځولي او یوه یې په راکټ وېشې ده.
د پکتیکا د پوهنې رییس مهرابالدین شفق سلام وطندار ته وویل چې تېره شپه شاوخوا ۱۱ بجې مرکز ښرنې کې د حضرت بلال، سید جلال بخاري او خواجهخېلو لېسو باندې بریدونه شوي او لېسې زیانمنې کړېدي.
ده زیاته کړه، په ویجاړو شویو لېسو کې لومړی ملازمان تړل شوي او بیا لېسې سهار ۴بجې په بمونو الوځول شوېدي او په بلې لېسې راکټونه غورځول شوېدي.
نوموړي وویل چې د دې لېسې دروازې او کړکۍ په بشپړ ډول له منځه تللي او شاوخوا دېوالونه یې هم زیانمن شوي؛ خو په وینا یې ځاني زیان نهلري.
د سیدجلال بخاري په لېسه کې څه موده وړاندې هم د دولت د مخالفانو له لوري یو ځایپرځای شوي ماین ته چاودنه ورکړل شوېوه؛ خو زیان یې نه لرلو.
تر اوسه کومې مخالفې ډلې د دغو بریدونو په اړه رسنیو ته څه نهدي ویلي.
