افغانستان وزیرلری نماینده‌لر کینگشی تامانیدن استیضاح ایتیلیشی دوامیده، بوگون مملکت فواید عامه وزیری یما یاری، قویاش 1396- مالی ییل‌نی رواجلنتیریش بودجه‌سیدن 70 فایزی‌نی صرفلمه‌گنی باعث، استیضاح ایتیلگن ایدی.
جناب یاری‌نینگ ایتیشیچه، فواید عامه وزیرلیگی قویاش 1397- مالی ییل‌ده رواجلنتیریش بودجه‌دن 97.5 فایزی‌نی صرفله‌گن و بو رقم 1396- مالی ییل‌ده 62 فایزگه ییتیشردی.
یاری گه کوره، ظرفیت کم‌لیگی، مافیایی تشکیلات‌لرنینگ نفوذی، اداری تشکیلات تیزیم‌سیزلیگی، قوریلیش پروژه‌لر و قتناو یوللرنی قوریب و سقلش مذکور وزیرلیک‌نی اصلی یولیدن چیقارگن قیین‌چیلیک‌لر دیر.
فواید عامه وزیری‌نینگ ایتیشیچه، قویاش 1396- مالی ییل‌نی سونگی اوچ آیی‌ده نماینده‌لر کینگشی‌نینگ ایشانچی‌نی قازانگن و شونده‌ی بولگنده هم وزیرنینگ جواب‌لری قانیقرلی بولمه‌گنی باعث، نماینده‌لر کینگشی‌نینگ اعضالری صندوق قویگن‌لر.
آواز بیریش جریانی یکونله‌نیب و آوازلر سنه‌لگنیدن سونگ، نماینده‌لر کینگشی باشلیغی عبدالرؤوف ابراهیمی‌نینگ اعلان قیلیشیچه، فواید عامه وزیری 60 ایجابی آواز قولگه کیریتیب لوازمی‌ده قالگن.
ایتیش کیره‌ک کیم، فواید عامه وزیرلیگی قویاش 1396- مالی ییل‌ده عادی بودجه‌سیدن 98 فایزی و رواجلنتیریش بودجه‌سیدن 63 فایزی‌نی صرفله‌گن ایدی.
