افغانستان تینچلیک لایحه‌سی بوییچه آمریکانینگ خاص نماینده‌سی زلمی خلیلزاد، واشینگتن ده پاکستان و بریتانیا ایلچی‌لری بیلن اوچره‌شگن.
افغانستان تینچلیک لایحه‌سی بوییچه آمریکانینگ خاص نماینده‌سی زلمی خلیلزاد نینگ ینگی توییتی ده یازیشیچه، بو اوچره‌شووده منطقه یا-ده جهانی توشونچه‌سی خصوصیده صحبت قیلینگن.
جناب خلیلزادنینگ ایتیشیچه، «سیزلرنینگ توشونچه‌لرینگیز منطقه‌یی بولسه یا-ده جهانی، لیکن افغانستانده اوروش یکونلنگنیدن سونگ کیله‌دیگن خوفسیزلیک و اقتصادی منفعت دن برچه فایده‌لنه‌دی.»
اوشبو صحبت‌لر بیان ایتیلگن بیرچاغده، قطرنینگ دوحه شهریده آمریکا و طالبان گروهی نینگ نماینده‌لری آره‌سیده یولگه قوییلگن تینچلیک سوزلشوولرینی بیشینچی دوری اوتگن هفته 16 کوندن سونگ یکونلندی و بو سوزلشوولرنی ینگی دوری تیز آره‌ده باشله‌نیشی خصوصیده قرار قیلینگن.
بیراق، جمهور رئیس غنی نینگ ملی خوفسیزلیک کینگشی بوییچه مصلحتچیسی حمدالله محب، تینچلیک سوزلشوولری جریانیدن خبرسیزلیگی و مصلحت قیلینمه‌گنیدن تنقید قیلیب و جناب خلیلزادنینگ قیلگن ایشلرینی سوراققه دوچ کیلتیردی.
جناب محب نینگ بو بیاناتی آمریکانینگ جدی عکس‌العملی گه سبب بولدی و رویترز خبری آژانسی واشینتگن بیلن افغانستان ملی خوفسیزلیک کینگشی مصلحتچیسی نینگ علاقه‌سی کیسیلگنیدن خبر بیردی.
اوشبو گزارش اساسیده، افغانستان جمهور رئیسی محمداشرف غنی بیلن تلیفون علاقه قورگن آمریکالیک ییریک بیر دیپلمات نینگ ایتیشیچه، بوندن کیین افغانستان ملی خوفسیزلیک کینگشی‌نینگ مصلحتچیسی بیلن واشینگتن نینگ هیچ قنده‌ی علاقه‌سی یوق دیر.
شو توغریده…
خلیلزاد: آمریکا و ناتو افغانستاندن چیقیش اوچون بیرگه قرار قیله‌دی
