د عامې روغتیا وزارت اعلان کړی چې په تېره یوه شپه او ورځ کې یې د کورونا ۱۲۰۶ شکمنې پېښې کتلي چې له ډلې یې ۵۸۴ هغه مثبتې ختلې دي.
اوس په هېواد کې پر کورونا د اخته کسانو شمېر ۱۰ زره او ۵۸۲ ته رسېدلی دی.
دغه راز په تېرو څلېرویشت ساعتونو کې پر کورونا ۲ اخته کسان مړه شوي او ۳۵ نور بیا بېرته رغېدلي دي.
د روغتیا وزارت د شمېرو له مخې، تر اوسه پر کورونا ۲۱۸ اخته کسان مړه شوي او ۱۰۷۵ نور بېرته روغ شوي دي.
په نړۍ کې تر اوسه له ۵ میلیونه او ۴۲۳ زرو ډېر کسان پر دغه ویروس اخته شوي چې له ډلې یې له ۳۴۴ زرو ډېر مړه شوي او او له دوو میلیونو او ۲۵۶ زرو ډېر بېرته رغېدلي دي.
