هیلاری کلینتون، امیریکه بیرلشمه ایالاتی‌نینگ بیرینچی عیالی و تشقی ایشلر وزیری 23- حمل کیله‌سی جمهوری ریاست نامزدی ایکن‌لیگی‌نی رسمی شکلیده اعلام قیلدی.
بو امیریکه‌لیک تانیقلی خانم اوز تویتر صحیفه سیده قویگن ترماغ پیامی‌ده، امیریکه بیرلشمه ایالاتی نینگ کیله‌سی سیلاوی‌ده نامزدلیگی‌دن خبر قیلگن. بیگیم کلینتون ترماغ پیامی‌ده ایتیشیچه، امیریکه لیک‌لرنی هرکون قهرمانگه نیازی بار و او بولراوچون قهرمان بولیشنی ایستی‌دی.
بیگیم کلینتون 7 ییل آلدین باراک اوبامانینگ جمهوری ریاست سیلاوده‌گی کوچلی رقیب‌لریدن ایدی؛ اما میداننی رقیبی‌گه بوش قویدی.
شونینگ‌دیک بیگیم کلینتون اوباما جمهور رییس‌لیگی نینگ بیرینچی دوریده امیریکه تشقی ایشلر وزیری حیثی‌ده ایش قیلگن دیر.
امیریکه جمهور رییسی باراک اوباما هم، بو خانم نامزدلیگی‌نی خوش قرشیله گن و اونگه کوره، کلینتون کوچلی وزیرلردن بیری ایدی و جمهور رییس‌لیک‌نی هم اوستون‌لیک بیلن دوام بیره آله‌دی.
گزارش‌لر اساسی‌ده، بیگیم کلینتون کیله سی 8 هفته‌ده سیلاو ایشلری و ایشانچ آوازی بیره دیگن‌لر بیلن اوچره شوو اوچون اوتکزیشی کوتیله‌دی.
هیلاری کلینتون امیریکه بیرلشگن ایالاتی‌نینگ دموکرات حزبی نینگ اورته لیک اعضالریدن بیری دیر.
حاضرگه قدر، جمهوری خواه حزبی نینگ اعضالریدن سناتور رند پل و سناتور تدکروزلر، کیله‌سی جمهوری ریاست سیلاوی اوچون نامزدلیک‌لرینی اعلام قیلگن‌لر. شونینگ‌دیگ گزارش‌لرگه کوره، آلدین‌کی جمهور رییس‌لر(جورج هربرت بوش و جورج دبلیوبوش) اوغلی و ایناغه‌سی «جب بوش» جمهوری خواه حزبی‌نینگ اعضالریدن بیری کیله سی جمهوری ریاست سیلاوی‌گه نامزد بولیشی ممکن.
هیلاری کلینتون 1969- ییل، «ییل» بیلیم یورتی‌نینگ حقوق بولیمی‌ده اوقیش‌گه کیردی و شو ییرده بیرینچی مرته ( امیریکه سابق جمهور رییسی) بیل کلینتون بیلن اوچره‌شدی. او 1973- ییل مذکور بیلیم یورتدن اوز دکتراسی‌نی قولگه کیلتیردی.
هیلاری کلینتون میلادی2000 – ییل‌ده نیویورک ایالتی‌دن سناتور حیثی‌ده تنلندی. او امیریکه سناسیده بیرینچی عیال‌لردن سنلردی.
2008- ییل دسمبر آیی‌ده باراک اوباما تامانیدن رسمی شکلیده امیریکه تشقی ایشلر وزیری حیثی‌ده تنلندی؛ اما او بیش ییل‌دن کیین، 2013- ییل فبروری آیی‌ده رسمی شکلیده مذکور پست‌دن استعفا بیردی و اوندن کیین باراک اوباما ینگی کابینه‌سی‌ده جان کری اونینگ جاییده معرفی بولدی.
امیریکه نینگ 58- جمهورلیک ریاست سیلاوی 2016- ییل 8- نوامبرده بولیب اوتیلیشی کوتیله‌دی.
