بیر یاش هنرمند عیال، امنیتی کوچلرنینگ وظیفه جریانیده صورت‌گه چیقارگن نیچه هنری اثرینی، پولیس کوچلری‌گه ساوغه قیلدی.
یاش هنرمند فروهر گلستانی غزنی شهریده حیات کیچیره‌دی،او اوتکن (چهارشنبه کون) باله‌لر باغچه‌سیدن بیری‌نینگ باله‌لری حضوریده، اوشبو اثرلرینی امنیتی کوچلر فداکارلیک‌لریدن آلقیش‌لب، غزنی ولایتی‌نینگ پولیسی‌گه بیردی.
خانم گلستانی‌نینگ ایتیشیچه، افغانستان‌ده برچه نرسه‌دن کوره هنر و باله‌لر زیان کوره‌دی و ایکاوی هم امنیتی کوچلر حمایتی و تینچ‌لیک سایه‌سیده یوکسله‌دی.
اوشبو هنرمند عیال‌نینگ ایشانچی‌گه کوره، غزنی‌ده امنیتی کوچلر برچه قیین‌چیلیک‌لرگه قرشی کوره‌شگن و اولرنینگ فدارلیگی باعث، مذکور ولایت‌ده تینچ‌لیک تأمین‌لنیب، ایش زمینه‌لری یره‌تیلیب، اورگه‌نیش و هنری ایش‌لر یوکسلگن.
خانم فروهرنینگ ایتیشیچه، بیر هنرمند و غزنی یشاوچیسی صفتیده، امنیتی کوچلرنی ایسیق، ساووق و قتیق امنیتی شرایط‌ده شهر یول‌لریده کوریب، فخرلنیب و تینچ‌لیک حس قیله‌دی، انه شو سبب، اوز هنریدن ایش‌آلیب، اوشبو کوچلر رولینی تیزیم ایجاد ایتیش و خوفسیزلیک‌نی تأمین‌لش چاغیده، صورت‌گه چیقارگن..
مذکور تابلولرده، امنیتی اداره‌لرده ایشله‌یدگن عیال‌لر رولی آچیق‌لنگن و کورینیشیچه، عیال‌لرهم ایرکک لر یانیده امنیت تأمین‌لنیشی خصوصیده سهمیه آلیب بیله‌دی.
خانم فروهر، اوزی چیزیب چیقارگن تابلولرینی تورت پولیس‌گه ساوغه قیلدی و اونگه همکارلیک قیلگن باله‌لرهم پولیس عسکرلری‌گه چیچک ساوغه قیلگن‌لر.
غزنی پولیس قومندانی امین‌الله امرخیل، مذکور هنرمند و همکارلیک قیلگن باله‌لرنینگ تویغولریدن آلقیش‌لب ایتیشیچه، خلق حمایتی امنیتی کوچلرگه اوروش جریانیده روحیه بیره‌دی.
جناب امرخیل‌نینگ خلق‌گه ایشانچ بیریشیچه، پولیس کوچلری هر بیر شرایط‌ده یشاوچیلر امنیتی‌نی تأمین‌لش و افغانستان توپراغیدن دفاع قیلیش خصوصیده تیار دیر.
بو بیرینچی مرته‌کیم، بیر هنرمند عیال، هنری اثرلرینی امنیتی کوچلر فدارکارلیگی‌دن آلقیش‌لب، اولرگه ساوغه قیله‌دی.
