د هند د هوايي ځواکونو چارواکیو ویلي چې نن سهار ۳نیمې بجې یې په پاکستان کې د جیش محمد پر پټنځایونو او وسلهوالو روزنیزو مرکزونو هوايي بریدونه کړيدي.
د هند د هوايي ځواکونو یوې سرچینې ویلي، مختلفو جیټ الوتکو ۱۰۰۰ کیلو ګرامه بم د جیش محمد پر مرکزونو ګوزار کړيدي.
لهدې بریدونو وروسته د پاکستان د پوځ ویاند اصف غفور ادعا کړې چې د هندوستان هوايي ځواکونو د پاکستان خطوط نقض کړيدي. د ده په وینا، هندي د هوايي ځواک جیټ الوتکې د پاکستان په مظفراباد کې بریدونه کړي.
هندي چارواکیو پهدې پېښه کې د ۳۰۰ وسلهوالو د وژلو ادعا کړې؛ خو پاکستاني هغو بیا د مالي او ځاني تلفاتو خبره رد کړېده.
هندي پوځي چارواکیو او سیاستوالو دا پېښه د پاکستان او هندوستان ترمنځ د اړیکو د ترینګلو کولو لهپاره خطرناکه بللې وه پاکستان ته یې د پوځي مانور او غچ اخېستلو خبرداری هم ورکړیو.
ښاوخوا دوې اوونۍ مخکې د هند تر ولکې لاندې کشمیر کې پاکستان مېشتې جیش محمد نومې وسلهوالې ډلې یو موټر بم برید کې ۴۰ هندي سرتېري ووژل. د برید مسوولیت پهخپله جیش محمدي ډلې منلی و.
له ۱۹۸۹ کال راپهدېخوا د هند واکمنۍ خلاف کشمیر کې د وسله والو له فعالیتونو پیلېدو تر اوسه دا تر ټولو خونړی برید بلل کېږي.
د کمشیر له برید سره هممهاله د ایران په بلوچستان کې ځانمرګي برید ۲۷ تنه ووژل چې ایران هم د دې برید پړه پر پاکستان واچوله.
ورته مطالب:
