.jpg)
بوگون «دوشنبه» خوست یشاوچیلریدن بیرقطاری، مذکور ولایتده قرینداشلریدن بیرقطاری هلاک ایتیلیب و یره‌لنگن‌لریدن سونگ، نماینده‌لر کینگشی‌نینگ بیرینچی اورین باسری همایون همایون گه قرشی ناراضیلیک بیلدیرگن‌لر.
گزارش‌لر اساسیده، نماینده‌لر کینگشی‌نینگ بیرینچی اورین باسری همایون همایون و خوست یشاوچیلریدن بیری حاجی حکیم‌نینگ آره‌سیده سابق ییر اوستیگه یوز بیرگن جنجل‌دن قیین‌چیلیک موجود ایکن و بوگون همایون همایون‌نینگ آدم‌لری، جنجل‌لی ییرنی اوستیده بنا قوریش‌نی باشله‌گن چاغیده، ایکی تامان آره‌سیده توقنه‌شوو یوز بیرگن.
اعتراضچی‌لرنینگ ادعا قیلیشیچه، بو توقنه‌شووده نماینده‌لر کینگشی بیرینچی اورین باسری‌نینگ قوروقچی‌لری اولرنینگ قرینداشلریدن بیرینی اولدیریب و باشقه 5 ته‌سینی یره‌لنتیرگن.
.jpg)
بیراق، واقعه گواهلری‌نینگ ایتیشیچه، بیرینچی‌دن حاجی حکیم‌نینگ آدم‌لری تاش و آغاچ آلیب نماینده‌لر کینگشی بیرینچی اورین باسری همایون همایون‌نینگ آدملرینی اوستیگه هجوم قیلگن و جناب همایون‌نینگ آدم‌لری ایسه اولرنی اوققه توتگن.
اوشبو واقعه‌نی تصدیق‌لگن خوست حاکمی سوزلاوچیسی طالب منگل، بو واقعه توغریسیده تیکشیروولر باشلنگنیدن خبر بیره‌دی.
بو گزارش‌ده نماینده‌لر کینگشی بیرینچی اورین باسری همایون همایون‌نینگ دفتریدن نظر آلیش اوچون علاقه قوردیک؛ بیراق اولر بو توغریده صحبت بیریش‌گه حاضر بولمه‌دیلر.
