هلمند یشاوچیلری بو ولایتده ناتینچلیک کینگه‌یگنیدن خواطر بیلدیریب ایتیشیچه، حکومت بو ولایت نینگ خوفسیزلیگی نی تأمین قیلمه‌گن صورتده، اولر سیلاوده اشتراک قیله آلمه‌یدی.
هلمند ولایتیده ناتینچلیک کینگه‌یگنینی تصدیقلگن مذکور ولایت پولیس قومندانی حسام‌الدین هلمندی نینگ ایتیشیچه، سیلاو کونی اوچون امنیتی ریجه‌لر تیارلنگن و بو ریجه گه اساس، یشاوچیلر خواطرسیز جمهورلیک ریاست سیلاویده اشتراک قیله آله‌دی.
هلمند ولایتی بوییچه سیلاو ایرکین کمیسیونی نینگ ولایتی دفتری نی عملیاتی اورین باسری احمدشاه صاحبزاده نینگ ایتیشیچه، مذکور ولایت نینگ 13 تومنیدن 5 تومنی جمله‌دن موسی قلعه، باغران، نوزاد، دیشو و خانشین بوتونله‌ی طالبان نینگ نظارتی ده دیر و بو تومن‌لرده سیلاو یولگه قوییلیشی امکاندن اوزاق بولگن.
جناب صاحبزاده نینگ کوپه‌یتیریشیچه، لشکرگاه شهری شامل بو ولایت نینگ باشقه 8 تومنیده 97 آواز بیرووچی مرکز نظرگه آلینگن و سیلاو کونیده آواز بیرووچیلرنینگ یوزیگه آچیق بوله‌دی.
افغانستان جمهورلیک ریاست سیلاوی جاری ییل، 6- میزان ده یولگه قوییلیشی خصوصیده قرار قیلینگن، بیراق ناتینچلیک سیلاو برابریده بولگن اساسی قیین چیلیک لردن بیری سنله‌دی.
