هلمند یشاوچیلریدن بیرقطاری حکومت‌دن تنقید قیلیب ایتیشیچه، حاضرگچه اوشبو ولایتده اساسی پروژه‌لر باشلنمه‌گن. اولرگه کوره، اوشبو موضوع سبب مذکور ولایت یشاوچیلری نینگ حیاتی‌ده هیچ قنده‌ی اوزگریش کورینمه‌گن.
هلمند یشاوچیلری، اورنک شکلده کجکی سوو توغانی قیته‌قوریلیشی‌دن ایسلب ایتیشیچه، 17 ییل جریانیده اوشبو توغان‌نی قیته‌قوریش ایشی یکونلنمه‌گن.
اولرگه کوره، حکومت اولرگه یالغیز کته پروژه‌لر قوریلیشی توغریسیده سوز بیرگن، بیراق حاضرگچه بیرگن سوزلریگه عمل قیلمه‌گن.
هلمند یشاوچیلری نینگ ایتیشیچه، اوشبو ولایتده حاضرگه‌قدر کوپلب پول صرف ایتیلگن، بیراق اولرنینگ حیاتی‌ده هیچ بیر ایجابی اوزگریش کیلمه‌گن.
بیراق، هلمند حاکمی سوزلاوچیسی عمر زواک نینگ ایتیشیچه، اوشبو ولایتده کته پروژه‌لرنی قوریش و قیته‌قوریش ایشی باشلنگن. اونگه کوره، کجکی سوو توغانی‌نی ایکینچی بولیمی‌نی قیته‌قوریش ایشی حاضر دوام ایتماقده.
هلمند یشاوچیلری نینگ ایتیشیچه، اولرگه کته پروژه‌لر قوریلیشی و قیته‌قوریلیشی توغریسیده نیچه مرته سوز بیریلگن، لیکن حاضرگه‌قدر بو سوزلردن هیچ بیری عمل گه آشیریلمه‌گن.
