هلمند حاکمی اورین باسری مجاهدالله صفاری نینگ ایتیشیچه، اوتگن اوچ کونده چیگیرتکه‌لر ایران دن نیمروز ولایتی گه هجوم قیلگن و اوتگن کون هلمند ولایتی نینگ دیشو تومنی گه کیرگن.
اونگه کوره، شاشیلینچ بیر ییغینده هلمند رسمی‌لری و محلی اداره‌لریگه چیگیرتکه‌لرگه قرشی کوره‌ش خصوصیده معلومات بیریلگن.
بیراق، هلمند ولایتی نینگ ایکینچیلیک ریاستی برنامه تیزیش و ریجه‌لشتیریش مدیری سید رفیع‌الله قلم نینگ ایتیشیچه، حاضرگه‌قدر مذکور ولایت نینگ دیشو تومنی گه چیگیرتکه‌لر هجوم قیلیشی خصوصیده اولرگه گزارش بیریلمه‌گن.
اونگه کوره، ایکینچیلیک وزیرلیگی بیر آی آلدین قوشنی مملکت‌لردن چیگیرتکه‌لر افغانستان گه کیلیشی خصوصیده اولرگه معلومات بیرگن ایکن.
هلمند ولایتی نینگ ایکینچیلیک ریاستی برنامه تیزیش و ریجه‌لشتیریش مدیری نینگ کوپه‌یتیریشیچه، اولر چیگیرتکه‌لر هجومی گه قرشی کوره‌ش اوچون بوتونله‌ی تیارگرلیک آلگن‌لر.
هلمند مملکت نینگ ناتینچ ولایت‌لریدن بیری سنله‌دی و یشاوچیلری کوپینچه قیین‌چیلیک‌لرگه روپه‌ره بولیب تورگن. حاضر ایسه کوتیش کیره‌ک کیم، بو ولایت نینگ مسؤوللری چیگیرتکه‌لرگه قرشی قنده‌ی کوره‌شه‌دی؟ بونگه زمان جواب بیره‌دی.
