.jpg)
هلمند ولایتیده خلق ارا قیزیل حاچ کمیته‌سی مسؤوللری‌نینگ ایتیشیچه، میلادی 2018- ییل‌ده 7 مینگ ناگران صُنعی قول و ایاق اوچون بو کمیته گه مراجعت قیلگن. اوشبو کمیته مسؤوللریگه کوره، خودکش و پارتلش هجوملر و حکومت بیلن قوراللی عصیانچیلر آره‌سیده یوز بیرگن اوروش‌لر هلمند یشاوچی‌لری‌نینگ ناگرانلیگی‌گه سبب بولگن.
قیزیل حاچ خلق ارا کمیته‌سینی داکترلریدن بیری داکتر مطیع‌الله نینگ ایتیشیچه، اولر نیازمند کیشی‌لرگه صُنعی قول و ایاق ترقه‌تیشی یانیده، اولرگه ساغلیک و دارولش نقطه‌ی نظردن یاردم بیرهدیلر.
صُنعی قول و ایاق قولگه کیلتیریش اوچون خلق ارا قیزیل حاچ کمیته‌سیگه مراجعت قیلگن ناگران‌لردن بیرقطاری‌نینگ ایتیشیچه، حکومت و قوراللی عصیانچیلر اوروش جریانیده تینچ‌اهالی‌نینگ جان و مال‌لریگه دقت قیلمه‌یدیلر.
لعل‌محمد تورت ییل آلدین بیر پارتلش نیتجه‌سیده بیر کوزی‌نی قولدن بیرگن. اونینگ ایتیشیچه، اوروش طرف‌لری تینچ‌اهالی‌نینگ زیان کورمسلیگی اوچون هیچ‌قندی دقت قیلمه‌یدیلر.
.jpg)
محمد نسیم 8 ییل آلدین ناگران بولگن و حاضرده هلمند ولایتیده خلق ارا قیزیل حاچ کمیته‌سی‌نینگ اورتوپیدی بولیمیده صُنعی قول و ایاق توزه‌تیش بیلن مصروف دیر. اونینگ سلام‌وطندارگه ایتیشیچه، ناگران‌لرگه صُنعی قول و ایاق توزه‌تیشیدن خرسند دیر.
هلمند ولایتیده خلق ارا قیزیل حاچ کمیته‌سی‌نینگ مسوولی انتونی ابی نادر نینگ ایتیشیچه، اوروش و ناتنیچلیک‌لر اولرگه قرشی کوپینچه قیین‌چیلیک یرتگن.
هلمند مملکت ناتینچ ولایت‌لریدن بیری دیر و اخیرگی 10 ییل جریانیده اوشبو ولایت یشاوچیلریدن مینگلرچه‌سی ناتینچ‌لیک باعث، هلاک ایتیلیب و ناگران بولگن‌لر.
