هلمند ولایتیده دولت‌گه قرشی گروه‌لر نظارت‌لریگه بولگن منطقه‌لرنینگ یشاوچی‌لریدن بیرقطارینی ایتیشیچه، یمان وضعیت‌ده حیات کیچیره‌دیلر.
هلمند ولایتی‌نینگ دیشو، خانشین، باغران، نوزاد و موسی‌قلعه تومن‌لری طالبان کنترولی‌گه دیر.
اوشبو تومن‌لر یشاوچی‌لریدن بیرقطاری، اقتصادی قیین‌چیلیک، ناتینچلیک، مکتب و ساغلیق مرکزلر یوق‌لیگی‌دن تنقید قیله‌دی‌لر.
هلمند مدنی فعال‌لریدن بیری عبدالحق زواکمن نینگ ایتیشیچه، مذکور تومن‌لر یشاوچی‌لری کم بغل‌لیک چکه‌سیده، تعلیم کوریش و ساغلیق خذمت‌لردن هم محروم قالگن‌لر.
عین‌حالده، هلمند حاکمی‌نینگ مطبوعاتی محصلحتچی‌سی زاهداحمد اتل نینگ مذکور قیینچیلیکلرنی تصدیق‌لب ایتیشیچه، بو قیینچیلیکلرنی حل قیلیش اوچون سعی و حرکت‌لر باشلنگن دیر.
جناب اتل گه کوره، هلمند ولایتی‌نی سنگین تومنی‌نینگ طالبان وجودی‌دن تازه‌لش اوچون حربی عملیات یولگه قویلگن.
حاضرده هلمند ولایتی‌نینگ گرشک، ناوه و نادعلی تومن‌لری حکومت حاکمیتی‌ده بولیب و گرمسیر، واشیر، مارجه، سنگین و کجکی تومن‌لرنینگ یالغیز مرکزی‌لری دولت نظارتی‌ده، بیراق باشقه 5 تومن کامل صورتده طالبان نظارتی‌گه قرار تاپگن.
