هلمند ولایتی ساغلیک ریاستی رسمی‌لری‌نینگ ایتیشیچه، (ACTD) ناملی بیر تشقی مؤسسه ایکی ییل‌دن بویان، مذکور ولایت‌ده 72 دارولش مرکزی‌گه کیفیت‌سیز دارولرنی ترقتگن.
هلمند ولایتی‌نینگ ساغلیک ریاستی نظارت بولیمی آمری داکتر محمد طاووس اشرف نادری‌نینگ، سلام‌وطندارگه ایتیشیچه، (ACTD) گه تیگیشلی مؤسسه‌لردن بیری (BPHS) ایکی ییل‌دن بویان ولایت مرکزی و تومن‌لری‌گه دارو ترقه‌تیش خصوصیده، شرطنامه باغله‌گن ایکن. بیراق ایکی ییل جریانیده، دارو مرکزلریده کیفیت‌سیز دارولرنی ترقتگن.
جناب نادری‌نینگ قولگه کیریتکن حجت‌لریگه کوره، مذکور مؤسسه دارولری، شرکت دارولری‌گه ماس کیلمه‌یدی.
بیراق، افغانستان بوییچه اورگه‌تیش و رواجلنتیریش مرکزی (ACTD) مؤسسه‌سی مسؤولی داکتر شهزاد حلیم، مذکور مرکز دارولری کیفیت‌سیزلیگینی قبول قیلیب ایتیشیچه، اولر ساغلیق‌نی سقلش وزیرلیگی تامانیدن دارو ترقه‌تیش خصوصیده جواز بیریلگن شرکت‌لر داروسینی ترقته‌دی.
باشقه تاماندن، هلمند یشاوچیلری‌نینگ ایتیشیچه، کیفیت‌سیز دارولر اوشبو ولایت‌ده کسل‌لر سانی‌نی کوپیتیرگن. تورموش اورتاغی بیر ییل‌دن بویان داکترلر نظارتی‌ده بولگن محمد نبی ناملی کیشی‌نینگ ایتیشیچه، تورموش اورتاغی ایش‌آلگن دارولر اونینگ ساغلیگی‌گه ایجابی تأثیر تشلمه‌گن. اونینگ کوپه‌یتیریشیچه، تورموش اورتاغی بیر مرته پاکستان داروسیدن ایش‌آلیب بوتونله‌ی ساغه‌ییب کیتگن ایکن.
ساغلیق‌نی سقلش وزیرلیگی سوزلاوچیسی اسماعیل کاووسی‌نینگ ایتیشیچه، مؤسسه‌لردن بیری قانون‌گه قرشی کیفیت‌سیز دارونی خلق‌گه ترقتگن صورتده، مملکت قانونی اساسیده، مذکور مؤسسه قاره رویخط‌گه آلینیب و مسؤول‌لری عدلی و قضایی اداره‌لری‌گه تاپشیریله‌دی.
