.jpg)
هلمند تینچلیک کاروانی بغلان ولایتی‌نینگ دندغوری منطقه‌سیگه ییتیشگن و مذکور ولایت‌نینگ طالب‌لری بیلن مذاکره قیلیش خصوصیده قرار قیلگن.
هلمند ولایتی‌نینگ تینچلیک کاروانی اعضالری، بغلان ولایتی‌نینگ یشاوچیلری و آق‌سقال‌لری بیلن بحث قیلگن‌لریدن سونگ، پلخمری شهری گه یقین دندغوری منطقه‌سیگه باریب و طالب‌لر مذاکره قیلیش‌گه قصد قیلگن‌لر.
سلام‌وطندارگه صحبت بیرگن هلمند تینچلیک کاروانی باشلیغی اقبال خیبرنینگ ایتیشیچه، بو مذاکره ده اولر طالب‌لردن اوروش‌دن قول تارتیب و تینچلیک لایحه‌سیگه قوشیلیش‌لرینی ایسته‌یدی.
مذکور کاروان اعضاسی محمد نیکزادنینگ ایتیشیچه، قوشنی مملکت‌لر افغانستانده اوروش دوام ایتیشی‌نی ایسته‌یدی و خلق اوروش قیله‌دیگن‌لر و اوروش گه زمینه یره‌تگن‌لرنینگ برابریده بیرله‌شیش‌لری کیره‌ک.
.jpg)
اوشبو کاروان اعضالری بیلن اوچره‌شگن بغلان عیاللریدن بیری بی‌بی‌گل‌نینگ ایتیشیچه، عزیزلریدن نیچه‌ته‌سینی اوروش‌ده قولدن بیرگن و طالب‌لردن ایسه اوروش‌دن قول تارتیب، تینچلیک لایحه‌سیگه قوشیلیب و هلمند تینچلیک کاروانی‌نینگ ایسته‌گی‌گه ایجابی جواب بیریشی‌نی سوره‌یدی.
هلمند تینچلیک کاروانی بغلان طالب‌لری بیلن اوچره‌شگنیدن سونگ، قندوز ولایتی‌گه باریب و او ییردن کیین سفرلرینی بلخ ولایتی گه یکونلنتیریش‌لری خصوصیده قرار قیلگن.
