د افغانستان هلمند ولایت د پوهنې ریاست چارواکي وايي، چې دوی ته د پوهنې وزارت لهخوا له تېرو اوو کلونو راهیسې کتابونه نه وو لېږل شوي، خو اوس ورته د څلورو کلونو لهپاره کتابونه ور رسېدلي او له ویش وروسته به يې زدهکوونکې له ستونزو وژغوري.
د هلمند پوهنې رییس قدرتالله یعقوبي نن رسنیو ته وویل، چې له تیرو اوو کلونو راهیسې د هلمند زدهکوونکو ته د لوست کتابونه، پوره نه و ورکړل شوي، خو له دې وروسته به زدهکوونکي اړ نهوي چې له بازاره کتابونه د ښوونځي کتابونه واخلي.
یعقوبي زیاتوي، چې د پوهنې وزارت له تیرو اوو کلونو راهیسې هغوی ته له ۷ تر۱۲ ټولګیو پورې له لسو مضمونونو ۵ کتابونه ورکول کیدل او پاتې نور یې نه دي اخیستي.
د هلمند زده کوونکي هم وایي، چې له دې وړاندې یې په ښوونځیو کې بیخي لږ کتابونه وو او ډیر دوی به بازار کې رانیول.
بشیراحمد او عبدالقدیر چې د درېیم ټولګي زدهکوونکي دي، وایي پخوا به لږ کتابونه ورکول کیدل هغه هم بیخي زاړه، چې دوی ترې په سمه توګه ګټه نه شوای اخیستی.
هلمند ته داسې مهال د شوونځیو کتابونه لیږدول شوي، چې په دغه ولایت کې شاوخوا۲۱۷ زره زدهکوونکي زدهکړه کوي، چې له دې شمیرې ۶۰زره نجونې دي.
ویل کیږي د هلمند له ۱۳۰ زیات ښوونځيو دروازې لا هم د زدهکوونکو پرمخ تړلې دي.
