هلمند ولایتی‌نینگ مرکزی لشکرگاه شهرینی بیرینچی ناحیه‌سیده پارتلاوچی ماده دن توله بولگن موتر پارتله‌تیلگنیدن سونگ، مذکور ولایت‌نینگ ایرکک‌لری یانیده عیاللری هم مدنی بیر حرکت آرقه‌لی تینچلیک خیمه قورگن‌لر.
اولر قوراللی طالب‌لردن تینچ اهالینی اولدیریش دن قول تارتیب و افغانستان دولتی بیلن تینچلیک یولینی ایزلش‌لرینی سوره‌گن.
اوشبو عیاللرنینگ آره‌سیده مذکور ولایتده یوز بیرگن سونگی پارتلش‌ده قرینداشلرینی قولدن بیرگن‌لر هم شامل دیر.
طالب‌لرگه خطاب مذکور عیاللردن بیری‌نینگ سلام‌وطندارگه ایتیشیچه، اوروش دن قول تارتیب و تنیچلیک لایحه‌سیگه قوشیلینگن‌لر.
شونینگ‌دیک، نیچه کون آلدین مذکور ولایتده تینچلیک خیمه قورگن هلمندلیک یاشلردن بیرقطاری‌نینگ ایتیشیچه، هلمند یشاوچیلری‌نینگ اویلریگه باریب و اوندن سونگ، اوروش میدانلریگه کیتیب طالب‌لردن تینچلیک لایحه‌سیگه قوشیلیش‌لرینی سوره‌یدیلر.
اوشبو یاشلر بوگون شهر و هلمند تومنلریدن بیرقطاری گه باریب، شعارلرینی عمل‌گه آشیرگن‌لر.
هلمندلیک یاشلر حرکتی اوچون کون آلدین ایش گه باشله‌دی و کیله‌جک هفته «پنج‌شنبه» کونی طالب‌لرنینگ نظارتی ده بولگن منطقه‌لرگه باریب و اولر بیلن تینچلیک توغریسیده سوزلشه‌دیلر.
