هرات شهری‌نینگ یشاووچی‌لری، مذکور ولایت عدلی و قضایی اداره‌لرینی ایش قیلمس‌لیک‌که عیب‌له‌گن‌لر. اهالی مجرم‌لر پاره تولَش بیلن تیزده تورمه‌دن آزاد ایتیله‌دی دیگن‌لر.
اهالی عدالی و قضایی اداره‌لرده موجود کینگ کولمده‌گی اداری فساد اوچون حوصله‌لری پیر بولگن‌لیگینی ایتگن‌لر. اما ولایت استیناف اداره‌سی‌نینگ مسوول‌لریگه کوره، آلدین اداری فسادگه قولی بولگن شخص‌لر حبس‌گه آلینگن و باشقه بو اداره‌لرده فساد یوق.
هرات استیناف محکمه‌سی‌نینگ باشلیغی عبدالغفار زبیر، بوگون (پنج‌شنبه) اوزی‌نینگ تورت ییل‌لیک گزارشی‌نی بیریب، بو اداره تورت ییل ایچی‌ده 35 مینگ جزایی و حقوقی دوسیه‌نی تیکشیریلیشی نهایی بولگن.
جناب زبیرگه کوره، بو مددت ایچی‌ده 66 کیشی اعدام‌گه حکم ایتیلگن و بولردن فقط ایکی موردی عملی بولگن و قالگن‌لری ایسه قانونی باسقیچ‌نی اوتکزیش‌نی کوته‌دی.
هرات استیناف محکمه‌سی‌نینگ رییسی جاری ییل‌نینگ بیرینچی آلتی آیی‌ده 4600 دوسیه تیکشیریلگن دیب بو جمله‌دن 15 کیشی دارگه تارتیلیش حکمی صادر بولگن و قالگن‌لری ایسه عمر باد آزادلیک‌دن محرم ایتیلگن. اونینگ سوزلریگه قره‌گن‌ده جاری ییلده‌گی برچه دوسیه‌لردن 430 حقوقی و 185ته سی ایسه جزایی دوسیه دیر.
شونینگ‌دیک جناب زبیر ولایت‌نینگ شیندند، فارسی، گلران و کشک کهنه ولسوال‌لیک‌لریده عدلی اداره بولمه‌گنی‌دن خبر بیرگن. ایتیلیشیچه، مذکور تومن‌لرده نابرقرارلیک سبب عدلی اداره‌لر فعالیتی توخته تیلگن.
افغانستانده اداری فسادنی یوق قیلیش سابق حکومت و ملی بیرلیک حکومتی‌نینگ اهالی‌گه بیرگن اساسی وعده‌لریدن، اما مملکت‌ده فسادنی تیکشیرووچی اداره‌لرنینگ حساباتی‌گه قره‌گن‌ده هنوز هم اففغانستان دنیا بویلب فسادگه باتگن بیرینچی دولت حسابلنه‌دی.
