هرات گمرکی‌نینگ ملازملریگه کوره، بو ولایت‌ده اوتگن ییلدن کوره 18 فایز درآمدلر یوقاری کیتگن. اولر اداری فساد بیلن قرشی کوره‌شیش و قاچاق یولی بیلن کیله‌یاتگن نرسه‌لر آلدینی آلینیشی درآمدلر یوقاری کیتیشی‌گه سبب بولگنینی ایته‌دیلر.
هرات گمرکی‌نینگ باشلیغی محمد انور رحمانی‌نینگ سلاموطندارگه ایتیشیچه، بو اداره درآمدی 1396ییل ده 20میلیارد و 155میلیون افغانی بولگن دیر. دیمک 1395ییلده 16میلیارد و 700میلیون افغانی ایدی. رحمانی بو رقم 18فایز درآمد یوقاری کیتگنی دن خبر بیره‌دی.
هرات حاکمی‌نینگ سوزچیسی جیلانی فرهاد، اداری فساد بیلن جدی کوره‌شیش سبب بو ولایت گمرکی‌نینگ درآمدی یوقاریش کیتیشی‌گه سبب بولگنینی ایته‌دی.
بیراق هرات مدنی فعاللریدن جواد عمید، ادری فساد بارلیگی‌دن خواطربیلدیریب، بو رقملر ییترلی ایمس هرات‌ده ظرفیت یوقاری بولگن دیدی.
بوندن نیچه مدت آلدین جمهوررییس محمد اشرف غنی، هرات‌ده بولگن سفریده بو ولایت گمرکی‌ده بولگن کته اداری فساددن خواطر بیلدیرگن ایدی.
او بوحقده عملی ایش قیلیش اوچون وعده بیرگن ایدی، بیراق هلیگچه ییترلیچه ایش بجیریلمه‌گنی ایتیلماقده.
