د هرات ولایت سیمهییز چارواکي وايي، چې دغه پېښه تېره ورځ د دې ولایت په اوبه ولسوالۍ کې شوې ده.
د هرات د والي ویاند جیلاني فرهاد وايي، چې دغه صحراييمحکمه د اوبه ولسوالۍ له مرکزه ۵ کیلومتره لېرې په یوه غرنۍ سیمه کې شوې ده.
فرهاد زیاته کړه، چې دغه ځوان پرته له کوم شواهدو له طالبانو سره د غلا په تور یوه میاشت زنداني و او وروسته له هغې یې ترې چپ لاس او چپه پښه پرې کړې.
د هرات د والي ویاند همدارنګه وویل، چې اوسمهال د دې ځوان روغتیايي حالت ښه دی؛ خو پولیسو د پېښې د عاملانو د نیولو په اړه پلټنې روانې کړې دي.
په ورته وخت کې د طالبانو ویاند ذبیحالله مجاهد سلاموطندار ته وویل، چې د دوی کسانو د هرات د اوبه ولسوالۍ په تګابیاري سیمې کې د غلامفاروق په نامه یو ځوان د موټر او موټر سایکل د غلا په تور نیولی او بیا یې په صحراييمحکمه کې ترې لاس او پښه پرې کړې ده.
