هرات ولایتی‌نینگ قتناو یوللری بوزیلگنی باعث، مذکور ولایت‌نینگ فواید عامه اداره‌سینی مسؤوللری، مرکزی حکومت‌دن تنقید قیلگن‌لر.
هرات ولایتی‌نینگ فواید عامه ریاستی باشلیغی حبیب‌الله تیموری‌نینگ ایتیشیچه، هرات شهری‌نینگ کیریش ایشیگی‌نی ترازولری آلتی آیدن بویان توخته‌تیلگن و کونده چمه‌سی 1000 بلند تناژ موتر کیلیب و کیتیشی باعث، قتناو یوللر بوزیلگن. جناب تیموری گه کوره، اوشبو قتناو یوللر قیته‌دن قیر بولیشی لازم.
هرات حاکمی سوزلاوچیسی جیلانی فرهاد، شو توغریده یشاوچیلرنینگ خواطرینی جدی بیلیب ایتیشیچه، گمرک‌لرگه بلند تناژ موترلر کیلیب و کیتیشی آلدی آلینیشی توغریسیده بویروغ بیریلگن.
عین حالده، فواید عامه وزیرلیگی سوزلاوچیسی مهدی روحانی‌نینگ سلام‌وطندارگه ایتیشیچه، قتناو یوللرده ترازولردن سوء استعمال بولیشی توغریسیده کوپینچه شکایت قولگه کیریتیلگنیدن سونگ، جمهور رئیس ریاستی‌ده مملکت اقتصادی عالی کینگشی، قتناو یوللرده 22 ترازو توخته‌تیب قوییلیشی توغریسیده قرار قیلگن. شونده‌ی بیرحالده، جناب روحانی‌نینگ ایتیشیچه، کیله‌جک بیر آی گچه قتناو یوللرده سیار ترازولر فعال بولیشی ممکن.
