.jpg)
هرات مملکت غربیده جایلشگن تاریخی ولایتلردن سنه‌له‌دی. بو یورت کمیده 800 تاریخی آبده‌نی اوز بغریگه جای بیرگن. لیکن، حکومت نینگ بی‌فرق لیگی باعث مذکور تاریخی آبده‌لرنینگ کوپینچه‌سی ایمیریلیب کیتیش عرفه‌سیده تورگن.
ولایتده‌گی تاریخی آبده‌لر احوالی یامان ایکن لیگی توغریسیده خواطر بیلدیرگن هرات نینگ بعضی بیر یشاووچیلری، محلی حکومت نینگ اعتبارسیزلیگی سبب اوشبو تاریخی آبده‌لرنینگ کوپینچه‌سی بوگونگه کیلیب مخدر ماده‌لرگه بیریلگن انسانلر مکانیگه ایلنیب قالگن دیدیلر.
حاضرگی کونده نیچه یوز ییل تاریخگه ایگه مصلا مناری و حوض باغ زبیده تاریخی مکانلری بنگی وار ماده‌سیگه بیریلگن کیشیلر اوچون امنیتی تامین بولگن ییرگه ایلنگن دیدی ولایت اهالیسی.
عین حالده، خلق چیقیندیلرینی بو ییرلرگه کیلتیریب تشلشلری هم ایتیله‌دی. ولایت نینگ بو اهالیسی حکومت‌دن هرات تاریخی آبده‌لری سقله‌نیب قالیشی ینه بو آبده‌لر طبیعت نینگ ییمیشی بولمس‌لیگی اوچون جدی اعتبار بیریشنی سوره‌گنلر.
.jpg)
هرات اخبارات و مدنیت اداره‌سی نینگ مسووللری، ولایتده‌گی ایریم تاریخی آبده‌لر ایمریلگن لیگینی تصدیقله‌گن حالده، لیکن سونگی ییللرده بعضی بیر تاریخی مکانللرنی قیته قورگنلیکلرینی هم تیلگه آلگنلر.
هرات اخبارات ریاستی نینگ مدنیت و صنعت بولیمی آمری جاوید ضرغام، ولایتده‌گی بوتون تاریخی آبده‌لرنی قیته قوریش اوزاق زمان طلبه قیله‌دی دیدی. اما، 7 تاریخی بنانی قوریش نینگ دستلبکی ایشلری یکونلنگن کیلگوسی ییل‌ده قیته قوریش ایشی عملده باشلنه‌دی دیگن جاوید ضرغام. شوکبی ییترلی بودجه بولمه‌گن‌لیگی ینه تاریخی آبده‌لرنی قوریش اوچون دییرلی قوریقچیلر یوقلیگی تاریخی مکانلرنی ایمیریلیب کیتیشی‌گه باعث بولگن دیدی رسمیلر.
ولایتده‌گی تاریخی آبده‌لر سقله‌نیب قالیشی اوچون اهالینی اعتبار بیرمسلیککه عیب‌له‌گن هرات مدنیت و صنعت آمریتی نینگ مسووللی، بولر هنوزگچه 10کیشی‌نی تاریخی آبده لرنی اوغیرله‌گن لیک عیبی بیلن باشقره لاووچیلیککه تانیشتیرگنلر.
