محلی رسمی‌لر و تحلیلچی‌لردن بیرقطاری‌نینگ ایتیشیچه، قماقخانه‌لرده قیته اسره‌ش اوچون برنامه یوقلیگی سبب، قوییب یوباریلگن محبوس‌لر قیته‌دن جرم و جنایت‌گه یوز کیلتیره‌دیلر.
اولرنینگ ایتیشیچه، قماقخانه جنایت‌لر اوچون اصلاحات ییری، بیراق کورینیشیچه، جنایتچی‌لردن کوپینچه‌سی آزاد ایتیلگنی‌دن سونگ کوچلی راق بوله‌دیلر.
تحلیلچی علی کاوه‌نینگ سلام‌وطندارگه ایتیشیچه، افغانستانده‌گی قماقخانه‌لر معیاری بولمه‌گنی و قماقخانه‌لرده قیته اسره‌ش اوچون برنامه یوقلیگی سبب، قوییب یوباریلگن محبوس‌لر قیته‌دن جرم و جنایت‌گه یوز قویه‌دی.
اونگه کوره، حکومت‌نینگ حد دن تشقری شفقتی و کیچیریمی، مناسبتی بویروغلر و جنایت کیچیریلیشی اساسی قیین‌چیلیک‌لردن بولیب جنایتچی‌لر آزاد ایتیلگنی‌دن کیین جسورراق بوله‌دیلر.
اوشبو تنقیدلر سونگی پیت‌لرده بیرقطاری سابق جنایتچی‌لر هرات امنیتی رسمی‌لری تامانیدن قولگه آلینگن بیرچاغده بیرچاغده کوتریلگن.
شونینگ‌دیک، هرات پولیس قومندانی محمدایوب انصاری‌نینگ اورغولشیچه، سونگی پیت‌لرده قولگه آلینگن جنایتچی‌لر سابق هم جرم قیلیب کیلگن‌لر.
عین حالده، هرات صنعت و سوداگرلیک اتاقلری باشلیغی سعد خطیبی‌نینگ ایتیشیچه، ایریم ریجه‌لنگن جنایت‌لر اینیقسه قوراللی اوغیرلیک و ترور هرات قماقخانه‌سیدن ریجه‌لنه‌دی.
بیراق، هرات قاره‌لاوچیلیگی و قماقخانه مسؤول‌لری، مذکور ولایت قماخانه‌سینی مملکت بویلب اینگ معیاری قماقخانه دیب ایتیشیچه، اوشبو قماخانه‌ده 2800 کیشی حبس‌گه آلینگن و بو جمله‌دن 2 مینگ کیشی فنی تعلیمات و قیته اسره‌ش برنامه‌لری بیلن مشغول‌لر.
هرات قاره‌لاوچیلیگی باشلیغی عبدالحق احمدی‌نینگ ایتیشیچه، محکمه تکراری جنایتچی‌لرنینگ اوستیگه آغیر جزا قویه‌دی.
هرات قماقخانه‌سی مطبوعات مسؤولی کبیر سیارنینگ ایتیشیچه، اولر محبوس‌لر اوچون سواد اورگه‌نیش، قرآنکریم و کامپیوتر اورگه‌نیش‌گه زمینه یره‌تگن‌لر.
اونگه کوره، قماقخانه ایچیدن هجوم‌لر ریجه‌لنیشی شایعه دیر.
