هرات-غور شاه یولیده قورالی گروه‌لر یولاوچیلردن باج آله‌دیلر. غور-هرات شاه یولیدن قننه‌یدیگن یوک و یولاوچی تشوچی موترلر هیداوچیلری نینگ ایتیشیچه، اوشبو یولدن اوتیش قیتیشده، قورالی گروهلرگه پول تولشگه مجبورلر.
هیداوچیلرنینگ سلام‌وطندارگه ایتیشیچه، مذکور گروهلرگه باج بیرمه‌گن حالده، گروه‌لر تمانیدن کلتکلنیب زورلنه‌دیلر.
بو هیداوچیلر، غور و هرات محلی رسمیلریگه مسأله‌نی اونلر مرته ایتگن‌لیگلری بیلن حاضرگه قدر اوشبو اداره‌لر تامانیدن بوتوغریده هیچ قنده‌ی توجه قیلینمه‌گن.
یولاوچیلر و هیداوچیلرنینگ ایتیشیلریچه، اوشبو یولده باج آلیشلر ییگولیک و مصرف قیله‌دیگن ماده‌لر بهاسی اوستیگه سلبی تأثیر قالدیریب، بهاسی نیچه برابر کوتاریلگن.
غور والیسی نینگ سوزلاوچیسی عبدالحی خطیبی هم غور-هرات شاه یولیده باج آلیشلرنی تأیید قیله‌دی و قورالی گروه‌لر یولاوچی و یوک تشوچی موترلردن 27 دن 30 مینگ افغانیگه قدر باج آله‌دی دیدی.
غور والیسی نینگ سوزلاوچیسی، کوپ راق باج آلیش مسأله‌سی هرات ولایتی نینگ چشت تومنی ده بوله‌دی و هرات محلی رسمیلری بیلن اوشبو یول امنیتی تأمین ایتیلیشی و گروه‌لرنی نابود قیلیش باره‌سیده سوزله‌شلر جریانی بار دیدی.
بوندن آلدین هم ایکی ولایت تامانیدن بیر هیأت طالبلر تصرفیده بولگن منطقه‌لرده باج آلیش آلدی آلینیشی اوچون یوباریلگن ایدی؛ بیراق حاضرگه قدر سوزله‌شلر هیچ قنده‌ی نتیجه بیرمه‌گن.
