هرات پولیس قومندانلیک سوزلاوچیسی عبدالرؤوف احمدی‌نینگ سلام‌وطندارگه ایتیشیچه، بوگون ایرته‌لب ساعت 5 ده، موترسایکل‌گه مینگن ناتانیش قورالی کیشی‌لر یولدن اوتیب باره‌یاتکن اوچ عیال صورتی‌گه تیزاب توککن.
جناب احمدی‌گه کوره، بو واقعه هرات شهری ایکینچی امنیتی حوزه یقینی‌ده یوزبیرگن.
هرات پولیس قومندانی سوزلاوچیسی‌نینگ ایتیشیچه، حاضرگچه بو واقعه سببی بیللی ایمس و بو توغریده پولیس تامانیدن تیرگاو باشلنگن.
عین حالده، نورکسل‌خانه‌سی آمری داکتر جمال ناصر آخوندزاده‌نینگ سلام وطندار بیلن تلیفونی سوزله‌شیب ایتیشیچه، بوگون ایرته‌لب ساعت 7 ده صورت‌لری شیمیایی موادگه باتکن ایکی اوقووچی قیز، بو کسل‌خانه‌ده آلیب کیلینگن.
جناب آخوندزاده‌گه کوره، حاضرگچه بو شیمیایی ماده‌نی نیمه‌لیگی بیللی ایمس؛ بیراق کوپه‌یتیریشیچه، قیزلرنینگ ساغلیک وضعیتی یخشی دیر.
عیال‌لر صورتی‌گه تیزاب توکیش عیال‌لرگه قرشی اویوشتیریله‌دیگن یمان قیناق‌لیک دییله‌دی و سونگی ییل‌لرده افغانستان‌ده کوپیگن. کوپینچه پیت‌لرده عیال‌لر صورتی‌گه تیزاب توکیلیشی عصیانچی گروه‌لرگه نسبت بیریله‌دی.
