هرات ولایتی دولت باش‌قاره لاووچی‌لیگی نینگ یوقاری مرتبه‌لی رسمی‌لری، مذکور اداره‌نینگ حاضرگی تشکیلاتی اهالی احتیاج‌لریگه جواب‌گر ایمس‌لیگینی ایتگن‌لر.
هرات ولایتی قیته کوریب چیقیش باش‌قاره لاووچیلیگی‌نینگ رییسی سمیع‌الدین رهین نینگ سلام وطندارگه، ایشلاووچی‌لر آزلیگیدن سوزله‌گن. او، مذکور قیین‌چلیک حل ایتلیشی اوچون هرات ولایتی باش‌قاره لاووچی‌لیک اداره‌سی نینگ بشری کوچی 50 فایزگه آشیریلیشی کیره‌ک دیگن.
جناب رهین‌گه کوره، بو معمانی نیچه مرته ولایت رسمی‌لری بیلن اورته گه قویگن‌لر؛ اما هنوزگچه بو قیین‌چیلیک حل ایتیلمه گن. مذکور ولایت باش‌قاره لاووچی‌لیک اداره‌سی بشری کوچی کمبودلیگی بیلن روپه‌ره ایکن‌لیگینی تصدیق له گن. هرات ولایت کینگشی نینگ اعضاسی سید عظیم کبرزانی، اهالی بو ساحه‌ده ییریک معمالرگه روپه‌ره ایکنلیک‌لرینی ایتگن.
اونگه کوره، بو قیین‌چیلیک اداری فساد آشیشی‌گه سبب بولگن. هرات یشاووچیلری اینیقسه ولایت تورمه سیده سقلنه دیگن محبوس‌لر باش‌قاره لاووچی‌لیکده دوسیه لرینی تیکشیریش جریانی جوده سیکین کیتیشی‌نی نیچه مرته تنقید آستی‌گه آلگن‌لر.
بو موضوع‌نی تصدیق‌له گن محمد رفیق شهیرگه کوره، هرات‌ده جنایی جرم‌لر میزانی یوقاری؛ عین حالده اهالی باش‌قاره لاووچی‌لیک اداره سیدن دوسیه‌لر اوز وقتیده تیکشیریلیشی‌نی کوته دیلر. هرات ولایتی باش‌قاره لاووچی‌لیک اداره سی کیشی‌لیک کوچی بیلن کمبود ایکن‌لیک مساله سی، هر ییلی اونلب محصل تورلی بولیم‌لر اینیقسه حقوق فاکولته سینی بیتیریب ایش سیزلیکدن اذیت چیگه‌دن بیر وقت‌ده بیلدیریلماقده.
