.JPG)
هرات قطار ایش‌خانه‌دارلری حکومت‌دن تنقید قیلیب ایتیشلریچه، ایچکی محصولات‌لرگه اوخشش تورالر وارد بولیشی اوشبو ولایت صنعتی شهرچه ایش‌خانه‌دارلرینی رقابت قیله‌آلمس‌لیکلریگه سبب بولگن.
هرات‌ده بیسکویت ایشلب چیقاره‌دیگن ایش‌خانه مسئولی سیدابراهیم سادات نینگ ایتیشیچه، نیچه ییل آلدین ایش‌خانه‌سی اوستیگه کمیده 6 میلیون دالر سرمایه یاتقیزگن ایکن.
اوشبو سرمایه یاتقیزوچی گه کوره، آمریکا تامانیدن ایران اوستیگه تعیین بولگن باسیم، تومان بهاسی قویی کیلگنی و اوخشش توارلر وارد ایتیلیشی، اونینگ ایش‌خانه‌سینی ییللیک درآمدی 500 دن 100 مینگ دالر قویی کیلیشی گه سبب بولگن.
.JPG)
اونینگ کوپه‌یتیریشیچه، ایش‌خانه‌سی‌نینگ دستلبکی موادلریدن 60 فایزی نی ایران‌دن وارد قیله‌دی، بیراق ایران‌ده ایشلب چیقاریلگن توارلر اونینگ محصولاتی گه قره‌گنده قویی بهاگه بازارگه عرضه بولیب و ساتیله‌دی.
سادات جنابلری‌نینگ ایتیشیچه، شوندی بیرحالده نیچه مرته حکومت‌دن ایش‌خانه‌سینی توارلری‌گه اوخشش توارلر محصولاتی گمرکی نی کوپه‌یتیریب یا اونینگ وارداتی گه توسیق بولیشی نی سوره‌گن، بیراق حاضرگه بو توغریده هیچ قندی اقدام بولمه‌گن.
هرات صنعتی ایش‌خانه‌لریدن باشقه بیریسی‌نینگ مسئولی فیض احمدنینگ ایتیشیچه، 6 آی دن بویان تومان بهاسی قویی کیلیب و اوخشش توارلر وارد ایتیلیشی باعث، اونینگ ایش‌خانه ایشلاوچیلری نی سانی 300 دن 60 کیشی گه قویی کیلگن.
.JPG)
شونینگ‌دیک، هرات صنعت و سوداگرلیک اتاقی مسئولی حمیدالله خادم اوخشش توارلر وارداتی خصوصیده خواطر بیلدیریب ایتیشیچه، حکومت چیت‌ایل اوخشش توارلر وارداتی نی آلدی نی آلگن صورتده، هرات صنعتی شهرچه‌سی افغانستان یشاوچیلری‌نینگ احتیاج‌لریدن کوپینچه‌سینی رفع ایتیشی ممکن.
بو بیرینچی مرته ایمس کیم ایچکی ایش‌خانه‌دارلر محصولات‌لری حکومت تامانیدن حمایت بولمگنی‌دن شکایت قیله‌دیلر. اولر هردایم بو توغریده حکومت نی توجه‌سیزلیک‌که عیبله‌گنلر.
