.jpg)
هرات شهریده قطار یاش اوغیللر و قیزلر بیر گروه تشکیل بیریب، جماعه اینقسه یاش نسل آرهسیده کتاب اوقیش فرهنگینی رواجلنتیریش مقصدده کتاب اوقیش کمپاینینی یولگه قویگنلر.
اوشبو گروه اعضالریدن بیری مجیبالرحمان فیضینینگ ایتیشیچه، کتاب اوقیش فرهنگینی رواجلنتیریش اوچون شونینگدیک گروهلرنینگ تشکیل تاپیشی ایجابی تاثیر قویهدی و اوتکن 30 ییل جریانیده بو توغریده دقت بولمه‌گن.
بیراق هرات قطار یازوچیلرینینگ ایتیشیچه، اهالی کتاب اوقیش نیازیگه دقت قیلیب و سوراقلریگه جواب تاپیش اوچون سعی و حرکت قیلگن صورتده، جماعهده کتاب اوقیش فرهنگی نهادینه بولهدی.
مملکت شاعرلریدن بیری مسعود حسنزادهنینگ ایتیشیچه، مطالعه قیلهدیگن کیشیلر معلوماتلرینی باشقهلربیلن شریک قیلیشنی ایستهیدی؛ بیراق افغانستانده بوندی بیر ییر یوق.
اونینگ ایتیشیچه، شونینگدیک گروهلرنینگ تشکیل تاپیشی اهالی و بیلیم آدملر آرهسیده صحبت قیلیش زمینهسی یرهتهدی.
انترنت و اجتماعی ترماغلردن قولهنیش اهالی آرهسیده رواجلنگن بیرحالده، مملکتده کتاب اوقیش گروهلر تشکیل تاپهدی.
