هرات والیسی سوزلاوچیسی جیلانی فرهادنینگ سلام‌وطندار بیلن قیلگن صحبتده ایتیشیچه، بوگون (دوشنبه) ایرته‌لب هرات ادرسکن و پشتون زرغون تومنلری چیگره‌سیده ملا رسول و ملا هیتب‌الله نفرلری ارا توقنه‌شوو باشلنگن.
جناب فرهاد، کشفی کوچلر گزارشی‌گه کوره، حاضرگه قدر طالب‌لر تازه رهبری ملا هیبت‌الله نفرلریدن 7 کیشی هلاک ایتیلگن و باشقه 6 کیشی‌سی هم یره‌لنگن.
حاضرگه قدر ملا رسول نفرلریدن اولیب یره‌لنگنلر انیق سانی رسانه‌لرگه بیریلمه‌گن، بیراق هرات والیسی سوزلاوچیسی نینگ ایتیشیچه، توقنه‌شووده ملا رسول تانیقلی قومندانلریدن ملا منان نیازی نینگ 11 نفری اولیب یره‌لنگن.
هرات والیسی نینگ سوزلاوچیسی‌گه کوره، توقنه‌شوولر شدت تاپیشی بیلن اوروشده اولیب یره‌لنگنلر سانی‌گه آرتیریلیشی ممکن.
شو بیلن بیرگه هرات پولیس سوزلاوچیسی عبدالرووف احمدی نینگ ایتیشیچه، اوروش محلی‌ده امنیتی کوچلر یوباریلگن تا طالب‌لر ایکی گروهی‌نی هم نابود قیلسین‌لر.
