.jpg)
هرات ولایتی بیلیم یورتی‌ده انجنیرلیک بولیمی اوقووچیسی نظام‌الدین، اوتگن هفته پنجشنبه کون کیچ قورون افطار چاغیده اولدیریله‌دی.
اوشبو واقعه بیر بحث و آگاه‌لنتیریش بیلن باشلنه‌دی و نتیجه‌ده اوشبو یاش اوقووچی قتل ایتیلیب و باشقه نیجه اوقووچی یره‌لنه‌دی.
اوشبو توقنه‌شوو نظام‌الدین، آقشام چاغی افطاریه تیارلش اوچون کوچه‌ده‌گی دُکان‌گه بارگن بیرچاغیده باشلنگن. قیتیش‌گه محل یاشلری تامانیدن آگاه‌لنتیریله‌دی. یاشلر اونینگ آگاه‌لنتیره‌دی کیم، کیته‌یاتگن چاغیده باشی‌نی قویی قیلیب آرقه‌سیگه قره‌مه‌سین. اوشبو جنجل باعث، نظام‌الدین نیچه ساعت‌دن کیین، اولدیریله‌دی.
فراه یشاوچیسی نظام‌الدین، درس اوقیش اوچون هرات کیلگن. او، باشقه 6 یاش ییگیت بیلن هرات شهری خواجه مراد منطقه‌سیده کرایی اتاق‌ده یشه‌یدی ایکن.
بو حکایه، نظام‌الدین اوتگن هفته پنجشنبه کونی افطاریه تیارلش اوچون مارکیت باره‌دی، بیراق قیته‌یاتگن چاغیده، نیچه یاش ییگیت بیلن اوروشگنی باعث، باشلنه‌دی.
نظام‌الدین اولر بیلن جنجل قیله‌دی و اوشه پیت‌ده دوست‌لری هم ییتیشه‌دی و فیزیکی توقنه‌شوو باشلنه‌دی؛ اوقووچی‌لردن بیری بیچاق بیلن یره‌لنه‌دی و بو توقنه‌شوو محل اهالیسی تامانیدن وقتینچه‌لیک توخته‌تیله‌دی.
.jpg)
نظام‌الدین‌نینگ اتاق‌داشی نادرشاه قانونی‌نینگ ایتیشیچه، اولر امنیتی کوچلرنی بو واقعه‌دن خبردار قیلگن، بیراق 150 مترلیک ده جایلشگن امنیتی پوسته‌دن 20 دقیقه‌گچه امنیتی کوچلر محل‌گه کیلمه‌گن.
عینی گواه‌لرگه کوره، توقنه‌شوو باشقه ایکی مرته تکرارلنگن و سونگی مرته کمیده بیرساعت دوام ایتگن. عینی گواه‌لرنینگ ایتیشیچه، قوپال یاش ییگیت‌لر آسمان‌گه اوق آتر ایکن، بیراق امنیتی کوچلر یقین کیلمه‌یدی و نتیجه‌ده یاشلردن بیری نظام‌الدین‌نی بیچاق بیلن آیاق‌دن ییقیته‌دی.
واقعه گواه‌لری، اوشبو قضیه‌گه پولیس‌نی عیب‌دار بیلیب ایتیشیچه، توقنه‌شوو ایکی ساعت دوام ایتگن، بیراق مسؤول امنیتی کوچلر هیچ قنده‌ی عکس‌العمل بیلدیرمه‌گن.
بو واقعه‌دن کیین، اوقووچی‌لردن بیرقطاری، ناراضیلیک یولگه قوییب و بو واقعه توغری‌سیده مسؤول‌لردن بی‌فرق یانده‌شمس‌لرینی سوره‌یدی. اولر، نظام‌الدین‌نینگ جسدی‌نی ییلکه‌لری‌گه کوتریب و حکومت‌دن اوقووچی‌لرنینگ برابریده‌گی تعصب‌نی یوقاتیشی‌نی سوره‌گن‌لر.
عین حالده، هرات پولیس قومندانلیگی سوزلاوچیسی عبدالرؤوف احمدی‌نینگ ایتیشیچه، پولیس 10 دقیقه ایچیده واقعه محلی‌گه ییتیشگن. احمدی‌گه کوره، پولیس تیزلیک‌ده ییتمه‌گن صورتده، محل اهالیسی برچه اوقووچی‌لرنی اولدیره‌دی ایکن.
احمدی‌نینگ ایتیشیچه، بو قضیه توغری‌سیده 6 کیشی قولگه آلینگن و بو جمله‌دن 3 کیشی‌نینگ توغریدن توغری نظام‌الدین‌نینگ اولیمی‌گه قولی بار.
