هرات ترافیک اداره‌سی‌نینگ مسوول‌لری، هرات شهریده ترافیک واقعه‌لر 35%کمیگن لیگی باره‌سیده خبر بیرگنلر.
هرات ترافیک مدیری امین‌الله میهن‌یار بوگون (یکشنبه) عمومی یول‌لر پولیس قوماندانی و ولایت ترانسپورت اداره‌سی باشلیغی اشتراکیده اوتکزیلگن خبری انجمن‌ده جاری ییل بیرینچی 6 آیده هرات ولایتی‌ده یوز بیرگن 187 واقعه رویخط‌گه آلینگن دیگن. حال بوکه مذکور رقم اوتگن ییل بیرینچی 6 آیده 300 واقعه بولگن.
هرات عمومی یول‌لر پولیس قوماندانی امین‌الله امین، عمومی قتناو یول‌لرده ترافیک حادثه‌سی آشگنی، ترافیک قانونی‌نی نظرده توتیمس‌لیک، یولاوچی تاشیوچی هیداوچی‌لرنی تیز هیدشی و پولیس ایش‌لریگه زوروان کیشی‌لر ارهله‌شیشی‌نی تنقید قیلگن.
اونینگ ایتیشیچه، تیز هیدش ینه ترافیک قانونلرینی انابت‌گه آلمه‌گن کیشی‌لر پولیس تامانیدن حبس‌گه آلینگن حالده، زوروان کیشی‌لر اولرنی آزاد قیلیش‌گه سعی وحرکت قیله‌دی.
هرات ترانسپورت اداره‌سی‌نینگ سرپرستی نثاراحمد نثار، کوپینچه عمومی یول‌لرده یوز بیره‌دیگن ترافیک حادثه‌نینگ اصلی سببی نابرقرارلیک همده یول‌لر بوزیق لیگی‌دن کیلیب چیقه‌دی دیگن. اونگه کوره، ترافیک حادثه‌لر آلدی آلینیشی اون ایرتلب تانگ وقتی بیلن 4 دن آلدین هیچ بیر هیداچی‌گه رخصت بیریلمیدی.
بونگه قره‌می، هرات ترافیک اداره‌سی‌نینگ مسوول‌لری، ترافیک قانونلری توغریسی‌ده اهالی‌گه معلومات بیریش، شهرده ترافیک قانونی عمل‌گه آشیریلیشی، تیز هیدش آلدی آلینیشی و شهر ایچکریسیده گی بعضی یول‌لر معاری بولیشی مذکور ولایت‌ده ترافیک حادثه‌سی کم بولیشی اوچون اصلی عامل ایکن لیکینی تیل‌گه آلگن.
